ஆஸ்திரேலிய ஓபன் டென்னிஸ்; ஜானிக் சினெர் இறுதிப்போட்டிக்கு முன்னேற்றம்

மெல்போர்ன்,

‘கிராண்ட்ஸ்லாம்’ போட்டிகளில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. விறுவிறுப்பான கட்டத்தை எட்டியுள்ள இந்த தொடரில் ஆண்கள் ஒற்றையர் பிரிவில் இன்று நடைபெற்ற அரையிறுதி ஆட்டத்தில் ஜானிக் சினெர் (இத்தாலி) – பென் ஷெல்டன் (அமெரிக்கா) ஆகியோர் மோதினர் .

பரபரப்பான இந்த ஆட்டத்தில் சிறப்பாக விளையாடிய ஜானிக் சினெர் 7(6)-6(2) , 6-2,6-2 என்ற செட் கணக்கில் வெற்றி பெற்றார். இதனால் ஜானிக் சினெர் இறுதிப்போட்டிக்கு முன்னேறினார்.

நாளை மறுநாள் நடைபெற உள்ள இறுதிப்போட்டியில் ஸ்வெரேவ் – ஜானிக் சினெர் ஆகியோர் மோதுகின்றனர் .