ஆசிய காது கேளாதோர் போட்டி : பதக்கம் வென்ற தமிழக வீரர் வீராங்கனைகளுக்கு உதயநிதி ஸ்டாலின் பாராட்டு

சென்னை,

துணை முதல்-அமைச்சர் உதயநிதி ஸ்டாலின் வெளியிட்டுள்ள எக்ஸ் தள பதிவில்,

மலேசியாவில் நடைபெற்ற 10வது ஆசிய பசிபிக் காது கேளாதோர் போட்டி 2024-ல் தமிழ்நாட்டைச் சேர்ந்த மாற்றுத்திறனாளி விளையாட்டு வீரர், வீராங்கனையர் வெவ்வேறு போட்டிகளில் 4 தங்கம், 6 வெள்ளி, 4 வெண்கலம் என மொத்தம் 14 பதக்கங்களைக் குவித்து சாதனை படைத்துள்ளனர்.

தமிழ்நாட்டுக்குப் பெருமை சேர்த்துள்ள நம் வீரர் – வீராங்கனையரை குறிஞ்சி முகாம் அலுவலகத்தில் இன்று நேரில் சந்தித்து பாராட்டினோம். இந்திய நாட்டிற்கும், தமிழ்நாட்டிற்கும் பெருமை சேர்த்த அவர்களின் வெற்றிப் பயணம் தொடர வாழ்த்தி மகிழ்ந்தோம். என தெரிவித்துள்ளார் .