சென்னை: இந்தியாவில் விரைவில் விவோ நிறுவனத்தின் வி50 ஸ்மார்ட்போன் அறிமுகமாக உள்ளது. இந்த போன் 6,000mAh பேட்டரி பிரிவில் இந்தியாவின் ஸ்லிம்மான ஸ்மார்ட்போனாக அறியப்படும் என அந்நிறுவனம் தெரிவித்துள்ளது.
சீன தேசத்தின் ஸ்மார்ட்போன் உற்பத்தி நிறுவனமான விவோ, உலகம் முழுவதும் தனது பிராண்டின் கீழ் போன்களை உற்பத்தி செய்து, விற்பனை செய்யும் பணியையும் கவனித்து வருகிறது. அதனால் தனது வாடிக்கையாளர்களை கவரும் வகையில் அந்நிறுவனம் புதிய மாடல் போன்களை சந்தையில் அறிமுகம் செய்வது வழக்கம்.
அந்த வகையில் இந்தியாவில் விவோ வி50 ஸ்மார்ட்போன் வெகு விரைவில் வெளியாகும் என எதிர்பார்க்கப்படுகிறது. இந்நிலையில், இந்த போனின் சிறப்பு அம்சங்கள் வெளியாகி உள்ளது.
ரோஸ் ரெட், கிரே மற்றும் நீலம் என மூன்று வண்ணங்களில் இந்த போன் வெளியாக உள்ளது. 6,000mAh பேட்டரி கொண்ட ஸ்மார்ட்போன்களில் இந்தப் போன் இந்தியாவின் ஸ்லிம்மான போனாக அறியப்படும் என விவோ தெரிவித்துள்ளது. இந்த போனின் டிசைனை பொறுத்தவரையில் ஒளிரும் 3டி ஸ்டார் குறிப்பிடத்தக்கது. இது சூரிய வெளிச்சம் மற்றும் ஒளிகளில் ஒளிரும் என தெரிவிக்கப்பட்டுள்ளது.
இந்த போனில் 6.7 இன்ச் டிஸ்பிளே கொண்டிருக்கும் என தகவல். ஸ்னாப்டிராகன் 7 ஜெனரேஷன் 3 ப்ராசஸர், ஆண்ட்ராய்டு 15 இயங்குதளம், அதிகபட்சமாக 12ஜிபி ரேம் மற்றும் 256 ஸ்டோரேஜ் வேரியண்ட்டை இந்த போன் கொண்டிருக்கும் என எதிர்பார்க்கப்படுகிறது. மெயின் கேமரா மற்றும் செல்ஃபி கேமரா என இரண்டும் 50 மெகாபிக்சலுடன் வெளிவரும் என தெரிகிறது.