‘ராயன்’ படத்துக்குப் பிறகு ‘நிலவுக்கு என் மேல் என்னடி கோபம்’ படத்தை இயக்கி இருக்கிறார் தனுஷ்.
இந்தப் படத்தில் தனுஷின் அக்கா மகன் பவிஷ் ஹீரோவாக அறிமுகமாகிறார். அவருக்கு ஜோடியாக அனிகா சுரேந்திரன் நடித்திருக்கிறார். தவிர மாத்யூ தாமஸ், பிரியா பிரகாஷ் வாரியர், வெங்கடேஷ் மேனன், சரண்யா ஆகியோர் இப்படத்தில் நடித்திருக்கின்றனர். தனுஷின் வுண்டர்பார் நிறுவனம் தயாரித்திருக்கும் இப்படத்திற்கு ஜி.வி.பிரகாஷ் இசையமைத்திருக்கிறார்.
இப்படத்தின் பாடல்களும், டிரைலரும் வெளியாகி ரசிகர்களின் கவனத்தை ஈர்த்திருக்கிறது. இந்நிலையில் இப்படத்தின் இசை வெளியீட்டு விழா இன்று நடைபெற்று வருகிறது. இந்த நிகழ்ச்சியில் பேசிய தனுஷின் அக்கா மகன் பவிஷ், “இந்தப் படத்திற்காக நிறைய பேர் எனக்கு சப்போர்ட் பண்ணிருக்காங்க. அவங்க எல்லோருக்கும் நன்றி சொல்ல கடமைப்பட்டிருக்கேன். ஒருநாள் திடீரென்று வந்து ‘நிலவுக்கு என் மேல் என்னடி கோபம்’ என்ற படத்தில நீ முக்கிய கதாபத்திரத்துல நடிக்குறனு ஸ்ரேயாஸ் அண்ணா சொன்னாங்க.
எனக்கு கையும் ஓடல. காலும் ஓடல. எனக்கு என்ன ரியாக்ட் பண்றதுன்னு தெரியல. இந்தப் படத்தோட டிரைலர் பார்க்கும்போது அது நான்தானா? என்று ஷாக் ஆயிட்டேன். அந்த அளவுக்கு என்னைய வித்யாசமா காமிச்சுருக்காங்க. அதற்காக ரொம்ப நன்றி. இந்தப் படத்துல என்கூட நடிச்சவங்க எல்லாரையும் ப்ரெண்ட்ஸ்னுதான் சொல்லணும். அவுங்க கூட நடிச்சத்துல எனக்கு மிகப்பெரிய சந்தோஷம்.
என் வாழ்க்கையில் மிகவும் முக்கியமான ஒரு நபராக இருக்கக்கூடிய தனுஷ் சாருக்கு ரொம்ப நன்றி. அவர் எனக்கு பண்ணிருக்க விஷயங்களுக்கு நன்றி சொன்னா மட்டும் போதாது. அதேபோல அவரைப் படுத்தின பாட்டுக்கெல்லாம் ஸாரி சொன்னா மட்டும் பத்தாது. எதை நம்பி எனக்கு இந்த வாய்ப்பு கொடுத்தீங்கன்னு தெரியல. ஆனா அதற்காக கடினமாக உழைப்பேன்” என்று நெகிழ்ச்சியாகப் பேசியிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…