சென்னை: இந்திய ஸ்மார்ட்போன் சந்தையில் சாம்சங் கேலக்சி ஏ56 ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.
தென்கொரிய நிறுவனமான சாம்சங் உலகம் முழுவதும் பல்வேறு எலக்ட்ரானிக் சாதனங்களை விற்பனை செய்து வருகிறது. இந்நிறுவனம் ஸ்மார்ட்போன் உற்பத்தியிலும் ஈடுபட்டு வருவது உலகறிந்த செய்தி. தனது வாடிக்கையாளர்களை கவரும் வகையில் அவ்வப்போது புது புது மாடல் போன்களை சாம்சங் நிறுவனம் அறிமுகம் செய்வது வழக்கம்.
இந்நிறுவனத்தின் கேலக்சி சீரிஸ் போன்கள் உலக அளவில் பிரபலம். அந்த வகையில் தற்போது கேலக்சி ‘ஏ’ வரிசையில் கேலக்சி ஏ56 ஸ்மார்ட்போன் அறிமுகமாகி உள்ளது. இந்த போனுடன் கேலக்சி ஏ36 மற்றும் ஏ26 போனையும் சாம்சங் அறிமுகம் செய்துள்ளது. இதில் ஏஐ அம்சங்களும் இடம்பெற்றுள்ளன.
கேலக்சி ஏ56 – சிறப்பு அம்சங்கள்
- 6.7 இன்ச் AMOLED டிஸ்பிளே
- Exynos 1580 சிப்செட்
- ஆண்ட்ராய்டு 15 இயங்குதளம்
- 50 + 12 + 5 மெகாபிக்சல் கேமரா பின்பக்கம் இடம்பெற்றுள்ளது
- 12 மெகாபிக்சல் கொண்டுள்ளது முன்பக்க கேமரா
- 5,000mAh பேட்டரி
- 45 வாட்ஸ் அதிவேக சார்ஜிங் சப்போர்ட்
- 5ஜி நெட்வொர்க்
- 8ஜிபி/12ஜிபி ரேம்
- 128ஜிபி/256ஜிபி ஸ்டோரேஜ்
- இந்த போனின் விலை ரூ.41,999 முதல் தொடங்குகிறது
- இந்த போன் ஒன்பிளஸ் 13, iQOO நியோ 9 புரோ, விவோ வி50 போன்ற போன்களுக்கு விற்பனையில் போட்டி அளிக்கும் என எதிர்பார்க்கப்படுகிறது.