கே.பாலச்சந்தரின் புன்னகை மன்னன் படத்தில் அறிமுகமான ஷிஹான் ஹுசைனி மதுரையைச் சேர்ந்தவர். கராத்தே மாஸ்டரான இவர், பல படங்களில் நடித்துள்ளார். நடிகர் விஜய் நடித்த ‘பத்ரி’ படத்தில் அவருக்கு கராத்தே சொல்லிக் கொடுக்கும் மாஸ்டராக நடித்திருந்தார். இதுவரை 400-க்கும் மேற்பட்ட வில்வித்தை வீரர்களுக்கு பயிற்சி அளித்து, தமிழகத்தில் நவீன வில்வித்தைக்கு முன்னோடியாக இருந்தவர். இந்நிலையில் தன் உடல்நிலை மிகவும் மோசமடைந்து வருவதாக சமீபத்தில் அவர் ஊடகங்களின் வாயிலாக தெரிவித்திருந்தது அதிர்ச்சி ஏற்படுத்தியது.
அவருக்கு இரத்தப் புற்றுநோய், அப்லாஸ்டிக் அனீமியா இருப்பது உறுதிசெய்யப்பட்டு, தீவிர சிகிச்சையில் இருக்கிறார். சமீபத்தில் அவர் வெளியிட்டிருந்த வீடியோவில்கூட `நாள்களை எண்ணிக்கொண்டிருக்கிறேன்’ எனக் குறிபிட்டிருந்தது அவரின் மாணவர்கள் உள்பட பலரின் மனதை உறையச் செய்தது.
இந்த நிலையில், அவர் தன் முகநூல் பக்கத்தில் அறிவிப்பு ஒன்றை வெளியிட்டிருக்கிறார். அதில், “மருத்துவம், உடற்கூறியல் மற்றும் ஆராய்ச்சிக்காக என் உடலை தானம் செய்கிறேன். நான் இறந்த 3 நாள்களுக்குப் பிறகு ஸ்ரீ ராமச்சந்திரா மருத்துவமனை மற்றும் பல்கலைக்கழகத்திற்கு என் உடலை தானம் செய்ய விரும்புகிறேன்.
இந்தக் கல்லூரியின் நிறுவனர் ஸ்ரீ ராமசாமி உடையார் பல ஆண்டுகளாக எனது இந்திய கராத்தே சங்கத்தின் தலைவராக இருந்தவர். மேலும் எனது ‘snake bite world record’ நிகழ்வுக்கும் தலைமை தாங்கியவர். என் இதயத்தை மட்டும் பாதுகாப்பதற்காக, என் வில்வித்தை – கராத்தே மாணவர்களிடம் ஒப்படைக்குமாறு கேட்டுக்கொள்கிறேன். இதைப் படிக்கும் கல்லூரியின் அதிகாரி உடனடியாக வந்து, என் அதிகாரப்பூர்வ ஒப்புதலையும், எனது கையொப்பத்தையும் பெறுமாறு கேட்டுக்கொள்கிறேன்” எனக் குறிப்பிட்டிருக்கிறார்.
வேட்டை நாய்கள் – Gangs of தூத்துக்குடி -இப்போது விகடன் ப்ளேயில்..!
Link : Part 01 : https://tinyurl.com/Vettai-Naigal-Part-01 |
Part 02: https://tinyurl.com/Vettai-Naigal-Part-02 |
80களில் தூத்துக்குடியை மிரள வைத்த டான்களின் கதை வேட்டை நாய்கள் – Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks