சென்னை வில்லிவாக்கம், பாரதி நகரைச் சேர்ந்தவர் வெங்கடேசன் (51). இவர் வில்லிவாக்கம் சிட்கோ நகர், 1-வது மெயின் ரோட்டில் தங்க நகை அடகு கடை நடத்தி வருகிறார். கடந்த 17.3.2025-ம் தேதி இவரின் அடகு கடைக்கு பாஸ்கர் (61) என்பவர் வந்து 38.5 கிராம் எடையுள்ள 2 தங்க வளையல்கள், விநாயகர் டாலரை அடகு வைத்திருக்கிறார். அப்போது பாஸ்கர் கொடுத்த தங்க நகைகளை வெங்கடேசன் பரிசோதித்திருக்கிறார். அப்போது அவைகள் போலி எனத் தெரியவந்திருக்கிறது. உடனே போலி தங்க நகைகளை அடகு வைத்து ஏமாற்ற வந்திருந்த பாஸ்கர் குறித்து வில்லிவாக்கம் காவல் நிலையத்துக்கு வெங்கடேசன் ரகசியமாக போனில் தகவல் தெரிவித்தார்.
உடனடியாக அங்கு வந்த போலீஸார், தங்க நகைகளை அடகு வைக்க வந்த பாஸ்கரைப் பிடித்து காவல் நிலையத்துக்கு விசாரணைக்காக அழைத்து வந்தனர். அவரிடம் விசாரித்தபோது ஏற்கெனவே 11 தடவை வெங்கடேசன் அடகு கடையில் போலி தங்க நகைகளை அடகு வைத்து 12,21,000 ரூபாயை வாங்கியிருப்பது தெரியவந்தது. இதையடுத்து வில்லிவாக்கம், செங்குன்றம் ரோடு, 2-வது குறுக்குத் தெருவில் வசிக்கும் பாஸ்கரை போலீஸார் கைது செய்தனர். அவரிடமிருந்து 245 கிராம் எடையுள்ள போலி தங்க நகைகளை போலீஸார் பறிமுதல் செய்தனர்.
இதுகுறித்து வில்லிவாக்கம் போலீஸார் கூறுகையில், “வெங்கடேசன் நடத்தி வரும் அடகு கடைக்கு பாஸ்கர் அடிக்கடி வந்து நகைகளை அடகு வைத்து பணம் பெற்றுச் செல்வது வழக்கம். அதனால் பாஸ்கரின் மீதான நம்பிக்கையில் வெங்கடேசனும் அவர் கொடுக்கும் நகைகளை பரிசோதிக்காமல் பணம் கொடுத்து வந்திருக்கிறார். இந்தச் சமயத்தில்தான் பாஸ்கர் அடகு வைத்த தங்க நகைகளுக்கு வட்டியும் அசலும் கொடுக்காமல் இழுத்தடித்து வந்ததோடு புதிது புதிதாக தங்க நகைகளை அடகு வைத்திருக்கிறார். அதனால் வெங்கடேசனுக்கு பாஸ்கர் மீது சந்தேகம் ஏற்பட்டு இந்தத் தடவை கொண்டு வந்த நகைகளை பரிசோதித்திருக்கிறார். அப்போதுதான் அவைகள் கவரிங் நகைகள் என்று தெரியவந்திருக்கிறது. உடனே ஏற்கெனவே பாஸ்கர் அடகு வைத்த நகைகளையும் பரிசோதித்த போது அவைகளும் போலி எனத் தெரியவந்திருக்கிறது. இதையடுத்து பாஸ்கரை எங்களிடம் வெங்கடேசன் பிடித்துக் கொடுத்தார். இந்த மோசடி பின்னணியில் யாராவது இருக்கிறார்களா, அடகு வைத்து பெற்ற பணத்தை பாஸ்கர் என்ன செய்தார் என்று விசாரித்து வருகிறோம்” என்றனர்.
வேட்டை நாய்கள் – Gangs of தூத்துக்குடி -இப்போது விகடன் ப்ளேயில்..!
Link : Part 01 : https://tinyurl.com/Vettai-Naigal-Part-01 |
Part 02: https://tinyurl.com/Vettai-Naigal-Part-02 |
80களில் தூத்துக்குடியை மிரள வைத்த டான்களின் கதை வேட்டை நாய்கள் – Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks