`பீதியைக் கிளப்பாம போங்க..’
வேலூர் மாவட்டம், காட்பாடியில் உள்ள சித்தூர் பேருந்து நிறுத்தப் பகுதியில், கடந்த 18-ம் தேதி இரவு பெண் உள்ளிட்ட நான்கு பேர் 6 அடி நீளமுள்ள பெரிய பாம்புகளை கழுத்திலும், தோள் மீதும் போட்டுக் கொண்டு யாசகம் கேட்டு சுற்றிக்கொண்டிருந்தனர்.
இவர்களை பார்த்ததும் பொது மக்கள் அலறியடித்து ஓடினர். சிலர் பதறிப்போய் செய்வதறியாமல், அப்படியே அதிர்ந்து நின்றனர். ஒரு மொபைல் விற்பனை கடை வாசலிலும் நின்றுகொண்டு பணம் கேட்டு மிரட்டல் தோணியிலும் பேசிக்கொண்டிருந்தனர் இந்த கும்பல். `பீதியைக் கிளப்பாம போங்க..’ என்று செல்போன் கடை ஊழியர்கள் கெஞ்ச வேண்டிய நிலைக்குத் தள்ளப்பட்டனர்.
இதையடுத்து, டீக்கடை ஒன்றில் பலர் நின்று டீ குடித்துகொண்டிருந்தனர். அதனருகிலும் சிலர் உட்கார்ந்துகொண்டிருந்தனர்.
`சட்டப்படி தவறு’ – எச்சரிக்கும் வனத்துறை
அந்த கடைக்கும் பாம்புகளை தோள் மீதும், கழுத்திலும் போட்டு தடவி கொடுத்தபடி யாசகம் கேட்டுச் சென்றனர். அங்கிருந்தவர்கள் பீதிக்குள்ளாகி ஓட்டம் பிடித்தனர்.
அவர்கள் மீது பாம்பு நெளிந்து வளைவதை பார்க்கும்போது உடம்பே சிலிர்க்கிறது. இந்தக் காட்சிகள் அங்குள்ள சிசிடிவி கேமராவில் பதிவான நிலையில், தற்போது வீடியோக்கள் வெளியாகி பதற வைத்திருக்கின்றன.
“இப்படி பாம்புகளைக் கொண்டு யாசகம் கேட்பது சட்டப்படி தவறு. யாசகம் பெற்றவர்கள் யார் என்பது குறித்து விசாரணை நடத்தி வருகிறோம். அவர்கள் மீது நடவடிக்கை எடுக்கப்படும்’’ என்கின்றனர் வனத்துறையினர். பீதியை கிளப்புறாங்கய்யா..!
வேட்டை நாய்கள் – Gangs of தூத்துக்குடி -இப்போது விகடன் ப்ளேயில்..!
Link : Part 01 : https://tinyurl.com/Vettai-Naigal-Part-01 |
Part 02: https://tinyurl.com/Vettai-Naigal-Part-02 |
80களில் தூத்துக்குடியை மிரள வைத்த டான்களின் கதை வேட்டை நாய்கள் – Gangs of தூத்துக்குடி இப்போது Audio formatல் உங்கள் Vikatan Playல். இப்பவே Vikatan APPஐ Download செய்யுங்கள் Play Iconஐ Click பண்ணி வேட்டை நாய்கள் கேளுங்க | #Vikatan #VikatanPlay #AudioBooks