பியூனஸ் அயர்ஸ்,
23-வது உலகக்கோப்பை கால்பந்து தொடர் கனடா, மெக்சிகோ, அமெரிக்காவில் அடுத்த ஆண்டு (2026-ம் ஆண்டு) நடைபெற உள்ளது.மொத்தம் 48 அணிகள் பங்கேற்கும் இந்த தொடரில் போட்டியை நடத்தும் 3 நாடுகள் தவிர மற்ற அணிகள் தகுதி சுற்று மூலமே தேர்வு செய்யப்படும். இதர்கான தகுதி சுற்று ஆட்டங்கள் கண்டங்கள் வாரியாக நடைபெற்று வருகின்றன.
இதில் தென்அமெரிக்க அணிகளுக்கான தகுதி சுற்றில் இந்திய நேரப்படி இன்று நடைபெற்ற ஆட்டத்தில் அர்ஜென்டினா – பிரேசில் அணிகள் மோதின .
இந்த ஆட்டத்தில் தொடக்கம் முதல் ஆதிக்கம் செலுத்தி சிறப்பாக விளையாடிய அர்ஜென்டினா அணி ஆட்ட நேர முடிவில் 4-1 என்ற கோல் கணக்கில் வெற்றி பெற்றது. அர்ஜென்டினா அணியில் ஜூலியன் அல்வராஸ், என்சொ பெர்னான்டஸ், மாக் ஆலிஸ்டர் , சிமோன் ஆகியோர் கோல் அடித்தனர், பிரேசில் அணியில் மேத்ஸ் கோல் அடித்தார்.
இந்த வெற்றியால் அர்ஜென்டினா அணி 2026 உலகக்கோப்பை கால்பந்து போட்டிக்கு தகுதி பெற்றுள்ளது.