தேனி மாவட்டம் கம்பம் அருகே சுருளிப்பட்டியைச் சேர்ந்தவர் சிவக்குமார். இவருடைய மகன் ஹரிகிருஸ்ணன் (21) ப்ளஸ் 1 படித்துவிட்டு எல்க்ட்ரீசியன் வேலை செய்து வந்தார்.
ஏப்ரல் 2 ஆம் தேதி இரவு 10.30 மணி அளவில் இவருடைய நண்பர் ராம்குமார் மெயின் ரோட்டுக்கு அழைத்துள்ளார். அவரைக் காண மெயின்ரோட்டில் உள்ள ஏடிஎம் சென்டர் அருகே பைக்கை நிறுத்திவிட்டு இருவரும் பேசிக் கொண்டிருந்தனர்.
பிறகு ராம்குமார் பைக்கை ஓட்ட ஹரிகிருஸ்ணன் பின்சீட்டில் அமர்ந்து சென்றுள்ளார். சிறிதுநேரத்தில் திடீரென பைக்கின் டூம்பகுதியில் இருந்து கட்டுவிரியன் பாம்பு வெளிவந்துள்ளது.
இதைக் கண்டதும் வண்டி ஓட்டிய ராம்குமார் அலறிக்கொண்டு ஹேண்ட்பாரில் இருந்து கையைத் தூக்கியுள்ளார்.
பைக் கீழே விழுந்துவிடும் என ஹேண்ட்பாரை பிடித்து ஹரிகிருஸ்ணன் பிரேக் போட்டுள்ளார். அப்போது அவருடைய வலது கையைப் பாம்பு கடித்தது.
இதையடுத்து இருவரும் வண்டியை நிறுத்தி பைக்கில் இருந்த கட்டுவிரியன் பாம்பை அடித்துக் கொன்றுள்ளனர். அந்த பாம்புடன் கம்பம் அரசு மருத்துவமனைக்குச் சென்றுள்ளனர்.
அங்கு முதலுதவி சிகிச்சை அளித்து தேனி அரசு மருத்துவக்கல்லூரி மருத்துவமனைக்கு அனுப்பப்பட்டுள்ளார். ஆம்புலன்சில் ஏற்றிக்கொண்டு சென்றபோதே வழியில் ஹரிகிருஸ்ணன் மூச்சு நின்றுவிட்டது.
இதனால் மீண்டும் கம்பம் அரசு மருத்துவமனைக்கே கொண்டு பரிசோதனை செய்த மருத்துவர்கள் அவர் உயிரிழந்ததை உறுதி செய்தனர்.
சிவக்குமாரின் மூத்த மகன் பிரதாப் 2 ஆண்டுகளுக்கு முன் இறந்த நிலையில் அவரின் இளைய மகனும் பாம்பு கடித்து உயிரிழந்தது அப்பகுதியில் பெரும் சோகத்தை ஏற்படுத்தியுள்ளது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs