இன்றைய முக்கிய செய்திகள் சிலவரிகளில்.. 14-04-2025

விருதுநகர் அருகே மின்சாரம் தாக்கி ஒரே குடும்பத்தை சேர்ந்த 3 பேர் உயிரிழந்தனர்.

சென்னை பரங்கிமலை பகுதியில் அமலாக்கம் மற்றும் குற்றப்புலனாய்வு போலீசார் மேற்கொண்ட சோதனையில் ரூ.6 கோடி மதிப்பிலான 2 கிலோ கொக்கைன் போதை பொருள் பறிமுதல் செய்யப்பட்டது. இது தொடர்பாக 8 பேர் கைது செய்யப்பட்டனர்.

குஜராத்தில் பயங்கரவாத ஒழிப்பு படை மற்றும் இந்திய கடலோர காவல் படை இணைந்து கடந்த 12 மற்றும் 13 ஆகிய இரு நாட்களில் சர்வதேச கடல் எல்லை கோட்டு பகுதியில் சோதனையில் ஈடுபட்டது.

இதில், 300 கிலோ எடை கொண்ட போதை பொருட்களை அதிகாரிகள் பறிமுதல் செய்தனர். அவற்றின் மதிப்பு ரூ.1,800 கோடியாகும்.

சென்னை அணியில் கெய்க்வாட்டுக்கு பதிலாக, 17 வயது இளம் வீரர் ஆயுஷ் மாத்ரே சேர்க்கப்பட்டு உள்ளார். அவர் உள்ளூர் போட்டிகளில் சிறப்பாக விளையாடியுள்ளார்.

• சென்னை சாலிகிராமத்தில் சிறுவன் ஓட்டிய பைக் மோதி முதியவர் படுகாயம்.
• முகம் மற்றும் மணிக்கட்டில் படுகாயம் அடைந்த முதியவர் சம்பத் தனியார் மருத்துவமனையில் அனுமதி.
• விசாரணையில் 16 வயது சிறுவன் பைக்கை ஓட்டி வந்து விபத்தை ஏற்படுத்தியது தெரிய வந்துள்ளது
• சம்பவம் தொடர்பாக பாண்டிபஜார் போக்குவரத்து புலனாய்வு பிரிவு போலீசார் விசாரணை

அதிமுகவில் இருந்து விலகுகிறேனா? – ஜெயக்குமார் விளக்கம்