கோவா,
8-வது இந்தியன் சூப்பர் லீக் கால்பந்து போட்டி (ஐ.எஸ்.எல்.) கோவாவில் நடந்து வருகிறது. கொரோனா தடுப்பு விதிமுறைகளை பின்பற்றி கோவாவில் உள்ள 3 மைதானங்களில் ரசிகர்கள் இன்றி நடைபெறும் இந்த போட்டிகள் மார்ச் மாதம் வரை நீடிக்கிறது.
இந்நிலையில் இன்று நடைபெற்ற ஆட்டத்தில் ஹைதராபாத் -ஏ.டி.கே மோகன் பகான் அணிகள் மோதின.
இந்த ஆட்டத்தில் முதல் பாதியில் இரு அணிகளும் கோல் அடிக்க்க முடியவில்லை .தொடர்ந்து இரண்டாவது பாதியில் மோகன் பகான் அணியின் லிஸ்டன் கோலாகோ 56 வது நிமிடத்தில் மற்றும் ,மண்விர் சிங்க் 59 வது நிமிடத்தில் கோல் அடித்தனர் .இதனால் அந்த அணி 2-0 என முன்னிலை பெற்றது.
தொடர்ந்து 67 வது நிமிடத்தில் ஹைதராபாத் அணியின் ஜோயல் சினஸ் ஒரு கோல் அடித்தார்.தொடர்ந்து இரு அணிகளும் கோல் அடிக்காததால் 2-1 என்ற கோல் கணக்கில் மோகன் பகான் அணி வெற்றி பெற்றது