ஆசஸ் நிறுவனம் வெகு நாள்கள் கழித்து புதிய ஸ்மார்ட்போனை இந்தியாவில் அறிமுகம் செய்ய உள்ளது. கடந்தாண்டு வெளியான நிறுவனத்தின் கேமிங் போனான ஆசஸ் ரோஜ் 5 சீரிஸ் தொகுப்பில் இந்த புதிய ஸ்மார்ட்போன்கள் வெளிவர உள்ளது. இந்த ஸ்மார்ட்போன்கள் ஆசஸ் ரோஜ் 5எஸ் (
Asus Rog
Phone 5s), ரோஜ் 5எஸ் ப்ரோ ஆகிய இரு மாடல்கள் எனத் தெரியவந்துள்ளது. இந்திய சந்தையில் இந்த ஸ்மார்ட் கேமிங் போன்கள் பிப்ரவரி 15ஆம் தேதி அறிமுகப்படுத்தப்படுகிறது.
இரண்டு மொபைல்களும் 6.78″ அங்குல முழு அளவு எச்டி+ திரையைக் கொண்டுள்ளது. எஸ் மாடல் அமோலெட் டிஸ்ப்ளே உடனும், ப்ரோ (Asus
Rog Phone 5s Pro
) மாடல் pMOLED டிஸ்ப்ளே உடனும் வெளியாகும் என எதிர்பார்க்கப்படுகிறது. 144Hz ரெப்ரெஷ் ரேட் ஆதரவை இந்த இரு ஸ்மார்ட்போன்கள் பெறுகிறது. 12ஜிபி ரேம், 18ஜிபி ரேம் ஆகிய இரு வேரியண்டுகள் இருக்கலாம் என்று தெரிகிறது. மேலும், 512ஜிபி வரை உள்ளடக்க மெமரி ஆதரவு கிடைக்கும் என எதிர்பார்க்கலாம்.
ஆசஸ் ரோஜ் 5எஸ், 5எஸ் ப்ரோ ஆகிய இரு போன்களும் ஸ்னாப்டிராகன் 888 ப்ளஸ் (Snapdragon 888 Plus SoC) சிப்செட் கொண்டு இயக்கப்படுகிறது. ஆண்ட்ராய்டு 12 அடிப்படையிலான கேமிங் ஸ்கின் மூலம் இந்த ஸ்மார்ட்போன் இயங்குகிறது. கேமிங் பிரியர்களுக்கு ஏற்ற வகையில் இதன் வடிவமைப்பு இருக்கும் என நிறுவனம் விளம்பரப்படுத்தி வருகிறது.
இப்படி தான் Apple Foladable iPhone இருக்குமாம்! கூடவே ஆப்பிள் உருவாக்கும் realityOS
ஆசஸ் ரோஜ் போன் 5எஸ், 5எஸ் ப்ரோ அம்சங்கள்
(Asus Rog Phone 5s Pro Specifications)
கேமராக்களைப் பொருத்தவரை, பின்பக்கத்தில் 64 மெகாபிக்சல் முதன்மை கேமரா, 13 மெகாபிக்சல் அல்ட்ரா வைட் லென்ஸ், 2 மெகாபிக்சல் மேக்ரோ சென்சார் ஆகியவை கொண்ட டிரிப்பிள் கேமரா அமைப்பை இந்த ஸ்மார்ட்போன்கள் கொண்டுள்ளது. பின்பக்க கேமராவில் 8K தரத்திலான வீடியோக்கள் வரை எடுக்கலாம் என்று கூறப்படுகிறது. மேலும், செல்பி மற்றும் வீடியோ அழைப்புகளுக்காக முன்பக்கம் 24 மெகாபிக்சல் கேமரா பொருத்தப்பட்டுள்ளது.
பேட்டரி திறனைப் பொருத்தவரை 6000 mAh அல்லது 5800mAh திறனுடன் வெளியாகும் என்று எதிர்பார்க்கப்படுகிறது. இதனை ஊக்குவிக்க 65W ஹைபர் சார்ஜிங் ஆதரவு உடன் வரும் என்று தகவல்கள் தெரிவிக்கின்றன. மேலும், இந்த ஸ்மார்ட்போன்கள் 5ஜி ஆதரவுடன் வருகிறது. கேமர்களுக்கு வசதியாக போனை அவ்வபோது குளிர்விக்கும் தொழில்நுட்பமும் இந்த ஸ்மார்ட்போனில் உள்ளது என்பது கூடுதல் சிறப்பாகப் பார்க்கப்படுகிறது.
Free Fire redeem code: கேமர்களுக்கான பிரீ பையர் சலுகைகள்!
லெனோவா லீஜியன் ஒய்90 சிறப்பம்சங்கள்
இந்த மொபைலுடன் நேரடியாக Lenovo Legion Y90 கேமிங் ஸ்மார்ட்போன் மோதுகிறது. லெனோவா போனானது 6.92″ அங்குல முழு அளவு எச்டி+ AMOLED தொடுதிரை எச்டிஆர்10+ (HDR10+) ஆதரவுடன், 144Hz ஹெர்ட்ஸ் ரெப்ரெஷ் ரேட், 720Hz டச் சாம்பிளிங் ரேட் ஆகிய அம்சங்களைத் கொண்டுள்ளது. புதிய ஸ்னாப்டிராகன் 8 ஜென் 1 சிப்செட் கொண்டு இந்த ஸ்மார்ட்போன் இயக்கப்படுகிறது.
இது போனா… இல்ல சினிமா கேமராவா… 40MP செல்பி, 2 டெலிபோட்டோ லென்ஸுடன் வெளியான சாம்சங் கேலக்ஸி எஸ்22 அல்ட்ரா!
18ஜிபி ரேம், 512 ஜிபி மெமரி ஆகிய அம்சங்கள் இதில் உள்ளது. பாப் அப் கேமரா வசதியுடன் வெளியாகும் இந்த ஸ்மார்ட்போனில் 5500mAh பேட்டரி கொடுக்கப்பட்டுள்ளது. இதனை ஊக்குவிக்கும் விதமாக 68W பாஸ்ட் சார்ஜிங் ஆதரவும் இதில் உள்ளது என்பது குறிப்பிடத்தக்கது.