விக்ரம்
முதன்முறையாக தனது மகன் துருவ் விக்ரமுடன் இணைந்து நடித்த ‘
மகான்
‘ படம் கடந்த சில தினங்களுக்கு முன்பாக அமேசான் ப்ரைம் தளத்தில் வெளியானது. கார்த்திக் சுப்புராஜ் இயக்கத்தில் வெளியாகியுள்ள இந்தப்படம் கலவையான விமர்சனங்களை பெற்று வருகிறது. இந்நிலையில் தெலுங்கு படம் ஒன்றில் விக்ரம் நடிக்க உள்ளதாக தகவல்கள் வெளியாகியுள்ளன.
‘மகான்’ படத்தில்காந்தி மகானாக நடிப்பில் கலக்கியுள்ளார் விக்ரம். இந்த படத்தை 7 ஸ்கிரீன் ஸ்டூடியோ நிறுவனம் சார்பில் லலித்குமார் தயாரித்துள்ளார். ஆக்ஷன் திரில்லர் கலந்த படமாக உருவாகியுள்ள இந்தப்படத்தில் சிம்ரன், பாபி சிம்ஹா ஆகியோர் முக்கிய கதாபாத்திரத்தில் நடித்துள்ளனர். ஓடிடி ரிலீசாக வெளியாகியுள்ள இந்தப்படம் ரசிகர்கள் மத்தியில் வரவேற்பை பெற்று வருகிறது.
‘மகான்’ படத்திற்கு முன்பாக விக்ரம் நடிப்பில் அஜய் ஞானமுத்து இயக்கத்தில் கடந்த 2019ஆம் ஆண்டு துவங்கிய படம் ’
கோப்ரா
’. இதன் படப்பிடிப்பு கொரோனா வைரஸ் முதல், இரண்டாவது அலை காரணமாக தாமதம் ஆனது. அண்மையில் இதன் படப்பிடிப்பு முழுமையாக நிறைவடைவதாக படக்குழுவினர் அறிவித்தனர்.
விஜய், அஜித் பட நடிகை திடீர் மரணம்: திரையுலக பிரபலங்கள் இரங்கல்..!
இந்நிலையில் தெலுங்கு திரையுலகின் சூப்பர் ஸ்டாராக திகழும் மகேஷ்பாபு நடிப்பில்
த்ரிவிக்ரம் ஸ்ரீனிவாஸ்
இயக்கத்தில் உருவாகும் புதிய படம் ஒன்றில் விக்ரம் நடிக்கவுள்ளதாக தகவல்கள் வெளியாகியுள்ளன. இந்தப்படத்தில் அவர் வில்லனாக நடிக்கவுள்ளதாகவும், விரைவில் இது குறித்த அதிகாரப்பூர்வ அறிவிப்பு வெளியாகும் என்றும் எதிர்பார்க்கப்படுகிறது.
விக்ரம் கோப்ரா, பொன்னியின் செல்வன், துருவ நட்சத்திரம் ஆகிய படங்களில் நடித்து முடித்துள்ளார். இதனிடையில் விக்ரமின் 61 ஆவது படத்தை பா. ரஞ்சித் இயக்கவுள்ளார். இந்தப்படத்தை ஸ்டூடியோ கிரீன் சார்பாக ஞானவேல் ராஜா தயாரிக்கவுள்ளது குறிப்பிடத்தக்கது.
வாழ்க்கைக்கு உகந்த படம் கடைசி விவசாயி; பாராட்டிய மிஷ்கின்