டெக் நிறுவனங்களை அதிர்ச்சியில் ஆழ்த்திய செய்தி இது. சமூக வலைதள ஜாம்பவானான பேஸ்புக், தனது பயனர்களை ஒவ்வொரு நாளும் இழந்து வந்தது. இதிலிருந்து பயனர்கள்
டிக்டாக்
போன்ற தளங்களுக்கு தாவினர். இதனை சரிசெய்ய தற்போது Facebook-இன் தாய் நிறுவனமான
Meta
பல முயற்சிகளை மேற்கொண்டு வருகிறது.
அந்தவகையில், மெட்டா நிறுவனம் இன்று முதல் பேஸ்புக் Reels சேவையை அறிமுகம் செய்யவுள்ளதாக அறிவித்திருக்கிறது. ஏற்கனவே இன்ஸ்டாகிராமில் உள்ள இந்த ரீல்ஸ் சேவை இன்று முதல் பேஸ்புக் செயலியிலும் இடம்பெறும் என நிறுவனம் வெளியிட்ட அறிக்கையில் குறிப்பிட்டுள்ளது. உலகம் முழுவதும் 150 நாடுகளில் இந்த
பேஸ்புக் ரீல்ஸ்
சேவை அறிமுகப்படுத்தப்படுகிறது.
பேஸ்புக் ரீல்ஸ்
இதுகுறித்து மெட்டா நிறுவன தலைவர் மார்க் சக்கர்பெர்க், “ரீல்ஸ் வகை வீடியோக்கள் இன்று உலகம் முழுவதும் பெரும் வளர்ச்சியை கண்டு வருகின்றன. இதையடுத்து இன்று முதல் ரீல்ஸ் சேவை பேஸ்புக் தளத்திலும் பயனர்கள் பயன்படுத்தலாம்” என்று தெரிவித்தார்.
பேஸ்புக்கில் இந்த வசதி நிறுத்தப்படும்… உடனே இத பண்ணுங்க!
பேஸ்புக் தனது ரீல்ஸ் வீடியோக்களை உருவாக்கும் பயனர்களுக்கு புதிய எடிட்டிங் வசதியையும் வழங்குகிறது. இதில் ரீமிக்ஸ், டிராஃப்ட், வீடியோ கிளிப்பிங் போன்ற பல்வேறு புதிய அம்சங்கள் இடம்பெற்றுள்ளது.
கூடுதல் அம்சங்கள்
இதுகுறித்து பேஸ்புக் கூறும்போது, இந்த ரீமிக்ஸ் அம்சத்தின் மூலம் பயனர்கள் புதிய ரீல்ஸ் வீடியோக்களை உருவாக்கலாம் என்றும், அதேசமயம் ஏற்கனவே பகிரப்பட்டிருக்கும் ரீல்ஸ் வீடியோக்களை எடிட் செய்யலாம் என்றும் தெரிவித்துள்ளது. கூடுதலாக Draft அம்சத்தில் ரீல் வீடியோக்களை பயனர்கள் சேமித்து வைக்கலாம்.
Instagram Reels போல் இல்லாமல், வீடியோ கிளிப்பிங் அம்சத்தில் நீளமான வீடியோக்களை பேஸ்புக் ரீல்ஸ் மூலம் உருவாக்கலாம் எனவும் நிறுவனம் தெரிவித்துள்ளது. அதன்படி, பேஸ்புக்கில் 60 நொடிகளுக்கு ரீல் வீடியோக்களை உருவாக்கும் வகையில் இந்த சேவை வழங்கப்பட்டுள்ளது. பேஸ்புக்கில் ஸ்டோரிஸ், வாட்ச், News Feed ஆகிய இடங்களில் ரீல்ஸ் சேவை காட்சி அளிக்கும்படி, புதிய அப்டேட்டில் மாற்றங்கள் கொண்டுவரப்பட்டுள்ளது.
இந்த 7 தவற மட்டும் பண்ணாதீங்க… உங்க வாட்ஸ்அப் கணக்கு முடக்கப்படும்!
பேஸ்புக் மூலம் பணம் சம்பாதிக்கலாம்
இது தவிர மெட்டா நிறுவனம் ஃபேஸ்புக் ரீல் வீடியோ உருவாக்குபவர்களுக்கு Monetization சேவையையும் அளித்துள்ளது. இதன்மூலம் ரீல்ஸ் வீடியோ உருவாக்குபவர்கள், தங்கள் வீடியோக்களின் இடையே விளம்பரங்களை காட்சிப்படுத்த முடியும். அதன் மூலம் கூடுதல் வருமானத்தையும் ஈட்டலாம்.
அதுமட்டும் இல்லாமல், உலக நாடுகளில் இருந்து வரும் சிறந்த ரீல்ஸ் வீடியோக்களுக்கு சிறப்பு தொகை வழங்குவதற்காக ரூ.26 லட்சம் தொகை ஒதுக்கப்பட்டுள்ளதாகவும் நிறுவனம் தனது அறிக்கையில் குறிப்பிட்டுள்ளது. இந்த ரீல்ஸ் சேவை மூலம், விளம்பர உத்தியை மேம்படுத்தும் நோக்கிலும் பேஸ்புக் முனைப்புக் காட்டி வருகிறது.
திரும்பி வந்துட்டேன்னு சொல்லு – ‘Truth Social’ ஆப் மூலம் Twitter பேஸ்புக்குக்கு செக் வைத்த டிரம்ப்!