இந்தியாவில் ஸ்மார்ட் கேட்ஜெட்டுகளின் மோகம் நாளுக்கு நாள் அதிகரித்து வருகிறது. ப்ளூடூத் ஹெட்போனில் தொடங்கிய இந்த ஓட்டம் நிற்காமல் பயணிக்கிறது. ஸ்மார்ட்பேண்ட், ஸ்மார்ட்வாட்ச், ஸ்மார்ட் ரிங், இயர் பட்ஸ் என அனைத்தையும் பயனர்கள் தற்போது விரும்புகின்றனர். இதுகுறித்த தகவல்களை தேடுவதும் நாளுக்கு நாள் அதிகரித்து வருகிறது.
இதற்கு ஈடுகொடுக்க நிறுவனங்கள் புதுபுது தயாரிப்புகளை டெக் சந்தையில் அறிமுகப்படுத்தி வருகிறது. அந்த வகையில், இந்திய நிறுவனமான Just Corseca, ஸ்னக்கர் (Snugar) எனும் புதிய ஸ்மார்ட்வாட்சை அறிமுகம் செய்துள்ளது. இதில் சிறப்பான விஷயம் என்னவென்றால், Bluetooth Calling வசதியும் இதில் கொடுக்கப்பட்டுள்ளது. தற்போது அதிக பயனர்கள் ப்ளூடூத் காலிங் வசதி கொண்ட ஸ்மார்ட்வாட்சுகளையே விரும்புகின்றனர். அதற்கேற்ற வகையில் இந்த ஸ்மார்ட்வாட்ச் அறிமுகம் செய்யப்பட்டுள்ளது.
ஸ்னக்கர் ஸ்மார்ட்வாட்ச் அம்சங்கள்
கோர்செகா ஸ்னக்கர் ஸ்மார்ட்வாட்சை பொருத்தவரை, 1.69″ அங்குல எச்டி எல்சிடி திரை உடன் வருகிறது. இதன் ரெசலியூஷன் 280*320 ஆக உள்ளது. இதன் உதவியுடன் தெளிவாக ஸ்மார்ட்வாட்சில் நம் செயல்பாடுகளை மேற்கொள்ள முடியும்.
இந்த ஸ்மார்ட்வாட்சில் அழைப்புகள், குறுந்தகவல்கள், பேஸ்புக், லிங்ட்இன், இன்ஸ்டாகிராம், ட்விட்டர் போன்ற பல தளங்களின் நோட்டிபிகேஷன்களை இதில் காணலாம். இதன் காரணமாக போன் பயன்பாடு வெகுவாகக் குறையும். மேலும், இதில் காலிங் வசதியுடன் ஸ்பீக்கர் கொடுக்கப்பட்டுள்ளது.
Redmi Smart Band Pro: அடேங்கப்பா… இவ்ளோ ஸ்பெஷலா இந்த ஸ்மார்ட் பேண்ட்… விலை என்னவா இருக்கும்?
இதைப் பயன்படுத்தி போனை எடுக்காமல், ஸ்மார்ட்வாட்சில் இருந்தே நாம் அழைப்புகளை மேற்கொள்ள முடியும். இதில் கொடுக்கப்பட்டிருக்கும் ஸ்பீக்கர் வாட்டர் ப்ரூப் பாதுகாப்புடன் வருகிறது. இந்த வசதி மிக முக்கிய அம்சமாகப் பார்க்கப்படுகிறது. இந்த பயன்பாட்டுக்கு ப்ளூடூத் 5.0 ஆதரவாக உள்ளது.
ஸ்னக்கர் ஸ்மார்ட்வாட்ச் சென்சார்கள்
மேலும், கோர்செகா ஸ்னக்கர் ஸ்மார்ட்வாட்சில் மேம்படுத்தப்பட்ட ரத்த அழுத்தம், இதயத் துடிப்பு, ரத்தத்தில் உள்ள ஆக்சிஜன் அளவுகளை கண்காணிக்கும் சென்சார்கள் பொருத்தப்பட்டுள்ளது. Fitness விரும்பிகளுக்கு இந்த அம்சங்கள் பயனுள்ளதாக இருக்கும். நோய்களை வரும் முன் காக்கவும் இந்த பயன்பாடுகள் உதவுகிறது.
இந்த ஸ்மார்ட்வாட்ச் முழுவதுமாக ஸ்டெயின்லெஸ் ஸ்டீலால் கட்டமைக்கப்பட்டுள்ளது. கூடுதலாக IP67 வாட்டர் ரெசிஸ்டண்ட் பாதுகாப்பும் வழங்கப்பட்டுள்ளது. எனவே, இந்த ஸ்மார்ட்வாட்சை அணிந்து கொண்டே நீச்சல் அடிக்கலாம், மழையிலும் நனையலாம்.
Noise ColorFit Icon Buzz: காலிங் வசதியுடன் ரூ.2999க்கு நாய்ஸ் ஸ்மார்ட்வாட்ச் அறிமுகம்!
ஸ்னக்கர் ஸ்மார்ட்வாட்ச் விலை
இந்த ஸ்மார்ட்வாட்ச் சைக்கிளிங், டென்னிஸ், ஜாக்கிங் போன்ற 10க்கும் மேற்பட்ட ஸ்போர்ட்ஸ் மோடுகளை ஆதரிக்கிறது. 200mAh பேட்டரி கொண்டு ஸ்னக்கர் காலிங் ஸ்மார்ட்வாட்ச் சக்தியூட்டப்பட்டுள்ளது. இது 15 நாள்கள் வரை தடையில்லா பயன்பாட்டை வழங்குகிறது.
ப்ளாக், ரோஸ் கோல்டு, ப்ளூ ஆகிய மூன்று வண்ணத் தேர்வுகளில் இந்த ஸ்மார்ட்வாட்ச் விற்பனைக்குக் கொண்டு வரப்பட்டுள்ளது. இதன் விலை ரூ.8,999 ஆக நிர்ணயம் செய்யப்பட்டுள்ளது. தற்போது, ரூ.5,999 எனும் சலுகை விலையில் பட்டியலிடப்பட்டுள்ளது. ஆன்லைன் ஷாப்பிங் தளம் அல்லது corseca.in தளத்தில் இந்த ஸ்மார்ட்வாட்சை பயனர்கள் வாங்க முடியும்.
டிசோ வாட்ச் ஆர்: அமோலெட் திரையுடன் வரும் கியூட்டான ஸ்மார்ட்வாட்ச்