இரண்டு வருடங்களுக்கு பிறகு வெளியாகியுள்ள அஜித் படம் என்பதால் வலிமையை கொண்டாடி வருகின்றனர் ரசிகர்கள். பலவித நெகட்டிவ் விமர்சனங்களை கடந்து கல்லா கட்டி வருகிறது ‘
வலிமை
‘ படம். ரசிகர்களுக்கு நிகராக திரையுலக பிரபலங்களும் ‘வலிமை’ படம் குறித்தும், படக்குழுவினருக்கு வாழ்த்து தெரிவித்தும் இணையத்தில் பதிவுகள் பகிர்ந்து வருகின்றனர்.
நடிகர் அஜித், எச்.வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் தற்போது வெளியாகியுள்ள படம் ‘வலிமை’.
அஜித் ரசிகர்களின் வெறித்தனமான காத்திருப்பிற்கு பின்னர் தமிழ், தெலுங்கு, இந்தி, கன்னடம் என 4 மொழிகளில் ‘வலிமை’ படம் வெளியாகி உள்ளது. கடந்த வியாழக்கிழமை அதிகாலை 4 மணிக்கு படத்தின் முதல் காட்சி திரையிடப்பட்டது. ரசிகர்கள் மேளதாளத்தோடும், பட்டாசுகளுடனும் ‘வலிமை’ வெளியீட்டை கொண்டாடினார்கள்.
ஆசை ஆசையாய் காத்திருந்த ஷாலினி: அஜித் ரசிகர்கள் செய்த அட்ராசிட்டி..!
விடுமுறை அல்லாத தினத்தில் வெளியானாலும் ‘வலிமை’ முதல்நாள் கலெக்ஷன் மற்ற படங்களின் கலெக்ஷன் சாதனைகளை எல்லாம் முறியடித்துள்ளதாக கூறப்படுகிறது. லேட்டஸ்டாக வெளியாகியிருக்கும் தகவலின்படி, வலிமை முதல் நாளில் 25 கோடி ரூபாய் வரை வசூலித்துள்ளதாக தகவல்கள் வெளியாகியுள்ளன.
இதுவரை வெளியாகியிருந்த படங்களில் ‘
அண்ணாத்த
‘ 24 கோடியும் ‘
சர்கார்
‘ 23 கோடியும் வசூலித்திருந்தது. இந்நிலையில் ‘வலிமை’ ரஜினி மற்றும் விஜய் படங்களின் சாதனைகளை முறியடித்து 25 கோடி ரூபாய் வசூலித்துள்ளது. விடுமுறை அல்லாத தினத்தில் இவ்வளவு வசூல் செய்துள்ளது வேற லெவல் என கொண்டாடி வருகின்றனர் அஜித் ரசிகர்கள்.
வலிமை அஜித் சம்பளம் ; முதல் நாள் வசூல்!