நடிகர்
ரஜினி
நடித்த சமீபத்திய படங்கள் அவருக்கு எதிர்பார்த்த வெற்றியை பெற்றுத்தரவில்லை என்றுதான் சொல்லவேண்டும். என்னதான் படங்கள் எதிர்பார்த்த வெற்றியை பெறாமல் கலவையான விமர்சனங்களை பெற்றாலும் வசூலில் எந்த குறைவும் இல்லாமலே இருந்தது.
அதற்கு காரணம் ரஜினியின் ரசிகர்கள் தான். தமிழ் சினிமாவில் ஐம்பது ஆண்டுகளாக சூப்பர்ஸ்டாராக வலம் வரும் ரஜினிக்கு கோடிக்கணக்கில் ரசிகர்கள் இருக்கின்றனர். எனவே அவரது படங்கள் கலவையான விமர்சனங்களை தந்தாலும் ரஜினி ரசிகர்கள் அப்படத்தை ஒருமுறைக்கு பலமுறை பார்ப்பார்கள்.
ரஜினியின் வீட்டின் முன் கூடிய ரசிகர்கள்…ரசிகர்களை சந்தித்து ரஜினி செய்த விஷயம்..!
அதன் காரணமாகவே ரஜினியின் சமீபத்திய படங்கள் கலவையான விமர்சனங்களை பெற்றாலும் வசூலுக்கு பாதிப்பில்லாமல் இருந்தது. இருப்பினும் ஒரு மெகாஹிட் வெற்றியை பதிவு செய்து தான் யார் என்று நிரூபிக்கும் கட்டாயத்தில் இருக்கின்றார் ரஜினி.
ரஜினி
எனவே தன் அடுத்த படத்தை இளம் முன்னணி இயக்குனரான நெல்சனிற்கு இயக்கும் வாய்ப்பை கொடுத்துள்ளார் ரஜினி. ரஜினியின் 169 ஆவது படமான இப்படத்தை சன் பிக்சர்ஸ் தயாரிக்க
அனிருத்
இசையமைக்கின்றார்.
ரஜினி
இந்நிலையில் இப்படத்தில் நடிக்கும் நடிகர் மற்றும் நடிகைகளை முடிவுசெய்யும் பணிகள் நடைபெற்றுவருகிறது. அந்த வகையில் ரஜினியுடன் சந்திரமுகி மற்றும் குசேலன் ஆகிய படங்களில் நடித்த வைகைப்புயல்
வடிவேலு
இப்படத்தில் மீண்டும் ரஜினியுடன் இணைந்து நடிக்கவுள்ளதாக தகவல்கள் வந்துள்ளன.
சந்திரமுகி படத்தில் ரஜினியும் வடிவேலும் இணைந்து நடித்த காட்சிகள் அனைத்தும் இன்றளவும் ரசிகர்கள் மனதில் இடம்பிடித்துள்ளது. அந்த அளவிற்கு இவர்களது காம்பினேஷன் அமைந்தது. எனவே அதைத்தொடர்ந்து
நெல்சன்
படத்தில் மீண்டும் ரஜினி மற்றும் வடிவேலு இணையப்போவதாக வந்த தகவலினால் ரசிகர்களின் எதிர்பார்ப்பு அதிகரித்துள்ளது குறிப்பிடத்தக்கது.
மறைந்த நடிகர் புனித் ராஜ்குமார் நினைவிடத்தில் விஜய் அஞ்சலி!