தனுஷ்
நடிப்பில் உருவாகி ரிலீசுக்கு தயாராக உள்ள படம் ‘
மாறன்
‘.
கார்த்திக் நரேன்
இயக்கியுள்ள இந்தப்படத்தை தொடர்ந்து மித்ரன் ஜவஹர் இயக்கத்தில் ‘திருச்சிற்றம்பலம்’ படப்பிடிப்பில் கலந்து கொண்டார் தனுஷ். அண்மையில் வெளியான ‘மாறன்’ படத்தின் பர்ஸ்ட் சிங்கிள் ரசிகர்கள் மத்தியில் அமோக வரவேற்பினை பெற்றது.
நடிகர் தனுஷ், மாளவிகா மோகனன் நடிப்பில் உருவாகியுள்ள படம் மாறன். கார்த்திக் நரேன் இயக்கிய இதன் படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் நடைபெற்று வந்தது. அதனை தொடர்ந்து அமெரிக்காவில் ஹாலிவுட் படமான தி க்ரே மேன் படத்தின் படப்பிடிப்பை முடித்துக் கொண்டு நாடு திரும்பிய தனுஷ், மீண்டும் ஐதராபாத்தில் நடைபெறும் படப்பிடிப்பில் கலந்து கொண்டார்.
‘மாறன்’ படப்பிடிப்பு விறுவிறுப்பாக நடைபெற்ற நிலையில் மித்ரன் ஜவஹர் இயக்கத்தில் ‘திருச்சிற்றம்பலம்’ படத்தில் நடிக்க ஒப்பந்தமானார் தனுஷ். சன் பிக்சர்ஸ் தயாரிக்கும் இந்தப்படத்தில் ப்ரியா பவானி சங்கர், ராஷி கண்ணா, நித்யா மேனன் உள்ளிட்டோர் கதாநாயகிகளாக நடிக்கின்றனர். இதனிடையில் ‘மாறன்’ படப்பிடிப்பையும் நிறைவு செய்தார் தனுஷ்.
பிக்பாஸிலிருந்து விலகிய கையோடு கமல் செய்த காரியம்: வேற லெவல் ஆண்டவரே..!
இந்நிலையில் ‘மாறன்’ படத்தின் டிரெய்லர் இன்று வெளியாக உள்ளது. இதற்காக ஒரு புதிய சர்ப்ரைஸ் காத்திருப்பதாக படத்தின் தயாரிப்பு நிறுவனம் அறிவித்திருந்தது. அதன்படி ட்விட்டரில் ‘மாறன்’ பட ஹாஸ்டாக்கிற்கு பிரத்யேகமாக தனுஷின் எமோஜி ஒன்றை வெளியிட்டுள்ளனர். இதனை சத்ய ஜோதி நிறுவனம் தனது அதிகாரப்பூர்வ ட்விட்டர் பக்கத்தில் அறிவித்துள்ளது.
தனுஷ் படங்கள் தொடர்ச்சியாக ஓடிடி தளங்களில் வெளியாவது ரசிகர்கள் மத்தியில் அதிருப்தியை ஏற்படுத்தியுள்ளது. எங்கள் அண்ணன் படத்தை திரையரங்கில் கொண்டாட முடியவில்லையே என்ற மிகுந்த மன வருத்தத்தில் உள்ளனர் ரசிகர்கள். ‘மாறன்’ படத்தில் சமுத்திரகனி, காளி வெங்கட், மாஸ்டர் மகேந்திரன் உள்பட பலர் நடித்துள்ளனர். ஜிவி பிரகாஷ் இசையில் உருவாகியுள்ள ‘மாறன்’ படம் நேரடியாக
டிஸ்னி பிளஸ் ஹாட்ஸ்டார்
ஓடிடி தளத்தில் வெளியாக உள்ளது குறிப்பிடத்தக்கது.
வலிமை தரிசனம்; பைக்கில் சாகசம்!