உக்ரைன் – ரஷ்யா பதற்றம்.. 15% வரை அதிகரித்த பிட்காயின், ஷிபா இனு, எத்தேரியம்.. !

15% வரை ஏற்றம்

இதற்கிடையில் இப்படி பதற்றமான நிலைக்கு மத்தியில் உக்ரைனுக்கு உதவும் விதமாக பலரும் கிரிப்டோகரன்சிகள் மூலமாக, உதவிகளை செய்து வருகின்றனர்.இதற்கிடையில் பிட்காயின், ஷிபா இனு, எத்தேரியம் உள்ளிட்ட கிரிப்டோக்கள் 15% வரையில் ஏற்றம் கண்டுள்ளன. குறிப்பாக பெலராஸில் நடந்த பேச்சு வார்த்தை கைகொடுக்காத நிலையில், தற்போது மீண்டும் போர் பதற்றம் அதிகரித்துள்ளது. இதற்கிடையில் தான் கிரிப்டோகரன்சிகள் பலவும் ஏற்றம் கண்டு வருகின்றன.

பிட்காயின்

பிட்காயின் மதிப்பானது தற்போது 15.35% அதிகரித்து, 444,439.50 டாலராக காணப்படுகின்றது. கடந்த 24 மணி நேரத்தில் இதன் அதிகபட்ச விலை 44,532.94 டாலர்களாகும். இதே இதன் குறைந்தபட்ச விலை 37,963.29 டாலர்களாகும். நடப்பு ஆண்டின் தொடக்கத்தில் இருந்து 5.92% சரிவில் தான் காணப்படுகிறது.

 

எத்தேரியம் மதிப்பு

எத்தேரியத்தின் மதிப்பானது தற்போது 10.51% அதிகரித்து, 2935.50 டாலர்களாக காணப்படுகிறது. கடந்த 24 மணி நேரத்தில் இதன் அதிகபட்ச விலை 2972.33 டாலர்களாகும். இதே குறைந்தபட்ச விலை 2610 டாலர்களாகும். நடப்பு ஆண்டின் தொடக்கத்தில் இருந்து 21.27% ஏற்றத்தில் தான் காணப்படுகிறது.

கார்டானோ நிலவரம்

கார்டானோ மதிப்பானது 8.73% அதிகரித்து, 0.962090 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 0.98 டாலராகவும், இதே குறைந்தபட்ச மதிப்பு என்பது 0.88 டாலராகும். இது நடப்பு ஆண்டின் தொடக்கத்தில் இருந்து 27.16% சரிவினைக் கண்டுள்ளது. இதன் புதிய வரலாற்று உச்சம் 3.10 டாலர்களாகும். இன்று தான் எட்டியுள்ளது.

எக்ஸ்ஆர்பி நிலவரம்

எக்ஸ்ஆர்பி-யின் மதிப்பானது 6.30% அதிகரித்து, 0.776270 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 0.79 டாலராகவும், இதே குறைந்தபட்ச விலை என்பது 0.72 டாலராகும். இதன் வரலாற்று உச்ச விலை 3.40 டாலராகும். இது நடப்பு ஆண்டின் தொடக்கத்தில் 7.25% குறைந்துள்ளது.

டோஜ்காயின் நிலவரம்

டோஜ்காயின் மதிப்பானது 6.48% அதிகரித்து, 0.132296 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 0.13 டாலராகவும், இதே குறைந்தபட்ச விலை என்பது 0.12 டாலராகும். இது நடப்பு ஆண்டின் தொடக்கத்தில் இருந்து 22.72% சரிவைக் கண்டுள்ளது.

யுனிஸ்வாப் மதிப்பு

யுனிஸ்வாப் மதிப்பானது 5.64% அதிகரித்து, 10.44 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 10.81 டாலராகவும், இதே குறைந்தபட்ச விலை என்பது 9.51 டாலராகும். இந்த ஆண்டின் தொடக்கத்தில் இருந்து 38.76% சரிவில் தான் உள்ளது.

போல்கடோட் நிலவரம் என்ன?

போல்கடோட் மதிப்பானது தற்போது 10.12% அதிகரித்து, 18.85 டாலராக காணப்படுகிறது. கடந்த 24 மணி நேரத்தில் இதன் அதிகபட்ச விலை 19.32 டாலராகவும், இதே குறைந்தபட்ச விலை என்பது 16.76 டாலராகும். இந்த ஆண்டின் தொடக்கத்தில் இருந்து 29.85% சரிவில் தான் உள்ளது.

ஷிபா இனு

ஷிபா இனு மதிப்பானது தற்போது 8.80% அதிகரித்து, 0.000026 டாலராக காணப்படுகிறது. இந்த ஆண்டின் தொடக்கத்தில் இருந்து 23.03% சரிவில் தான் உள்ளது. இன்று பெரும்பாலான டிஜிட்டல் கரன்சிகளின் மதிப்பும் ஏற்றத்தில் தான் காணப்படுகின்றது.