நேர்கொண்ட பார்வை படத்தின் வெற்றிக்கு பிறகு இரண்டாவது முறையாக
எச் வினோத்
இயக்கத்தில் ‘
வலிமை
‘ படத்தில் நடித்துள்ளார் அஜித். இந்தப்படத்தின் ரிலீசுக்காக வெறித்தனமாக காத்திருந்தனர் ரசிகர்கள். இந்நிலையில் கடந்த வாரம் வெளியாகியுள்ள ‘வலிமை’ படம் ரசிகர்கள் மத்தியில் அமோக வரவேற்பினை பெற்று வருகிறது.
‘வலிமை’ படத்தில் அஜித்திற்கு ஜோடியாக பாலிவுட் நடிகை ஹூமா குரேஷி நடித்துள்ளார். போனி கபூர் தயாரித்துள்ள இந்த படத்திற்கு யுவன்சங்கர் ராஜா இசையமைத்துள்ளார். அஜித் ரசிகர்களின் வெறித்தனமான காத்திருப்பிற்கு பின்னர் தமிழ், தெலுங்கு, இந்தி, கன்னடம் என 4 மொழிகளில் ‘வலிமை’ படம் வெளியாகி உள்ளது.
ரசிகர்கள் இந்தப்படத்தை கொண்டாடினாலும் மற்றொரு பக்கம் எதிர்மறை விமர்சனங்களும் எழுந்துள்ளது. அந்த வகையில் ப்ளூ சட்டை மாறனின் ‘வலிமை’ படம் குறித்த விமர்சனம் பலவித சர்ச்சைகளை கிளப்பியுள்ளது. படத்தை மட்டுமல்லாமல் தனிப்பட்ட முறையில் அஜித்தின் உடல் எடை குறித்தும் தனது விமர்சனத்தில் கேலி பேசியிருந்தார். இதற்கு அஜித் ரசிகர்கள் எதிர்வினை ஆற்றி வருகின்றனர்.
இதே போல் கடந்த 2005 ஆம் ஆண்டு அஜித்தின் ‘ஜி’ படம் வெளியான போதும் இதே போன்று விமர்சனம் வைக்கப்பட்டது. அப்போது இது குறித்து பேட்டி ஒன்றில் பேசிய அஜித், “படம் நல்லா இருக்கா இல்லையானு சொல்லாம சிலர் நான் குண்டா இருக்கேன்னு பர்சனலா கமெண்ட் அடிக்கிறாங்க. 15 ஆபரேஷன்களுக்குப் பிறகு என் மெட்டபாலிஸமே மாறிடுச்சு. நான் ரெண்டு காலையும் ஊன்றி நடக்கிறதே பெரிய விஷயம் சார். அதை நினைச்சு நான் சந்தோஷப்படுறேன்.
ராஜமெளலிக்காக முடிவை மாற்றி கொண்ட சிவகார்த்திகேயன்: வெளியான அதிரடி அறிவிப்பு..!
நான் நல்ல டான்ஸரா இல்லாம இருக்கலாம். ஆனா, அதுக்காக முயற்சி பண்றேன். இவ்வளவு சிகிச்சைகளுக்குப் பிறகும் ஹெலிகாப்டர்ல இருந்து குதிக்கிறேன், சண்டை போடுறேன். ஆனா, தொடர்ந்து என் பர்சனல் தோற்றத்தை சிலர் கிண்டல் செய்றது வருத்தமா இருக்கு” என்று வெளிப்படையாக கூறியிருந்தார்.
அஜித் அமராவதி படத்தை முடித்த காலகட்டத்தில் அவருக்கு விபத்து ஏற்பட்டது. அவரது முதுகெலும்பு பகுதியில் மூன்று அறுவை சிகிச்சைகள் செய்யப்பட்டன. அவருடன் எப்போதும் மருத்துவர் ஒருவர் உடனிருப்பார். 15 முறைக்கு மேல் முதுகுப்பகுதியில் அறுவை சிகிச்சை செய்துள்ளார். இதற்காக எடுத்த மருந்து, மாத்திரைகள், ஸ்டீராய்டுகள் அவரது பாடி மெட்டபாலிசத்தையே மாற்றிவிட்டது. இந்நிலையில் அஜித் குறித்து மாறன் செய்துள்ள விமர்சனம் ரசிகர்களுக்கு வருத்தத்தை ஏற்படுத்தியுள்ளது.
அஜித்தை பார்க்க வந்த ஆதரவற்ற குழந்தைகள்; புதுச்சேரி ரசிகர்களின் புது முயற்சி