கமலின் விக்ரம் பட வில்லன் எப்படி முதல்வரை எளிதாக சந்தித்தார் என்று எல்லாம் யோசிக்க வேண்டாம்.
மாரி செல்வராஜ்
இயக்கத்தில்
உதயநிதி ஸ்டாலின்
நடிக்கவிருக்கும் படத்தில் அவருக்கு வில்லனே ஃபஹத் ஃபாசில் தான்.
இந்நிலையில் தான் மாரி செல்வராஜும், ஃபஹத் ஃபாசிலும் முதல்வரின் வீட்டிற்கே சென்று அவரை வாழ்த்தியிருக்கிறார்கள். இதற்கு ஏற்பாடு செய்தது உதயநிதி ஸ்டாலின்.
முன்னதாக ஸ்டாலின் முதல்வராக பதவியேற்றபோது நடிகர் ஜெயராம் தன் மகன் காளிதாஸுடன் சென்று அவரை சந்தித்து வாழ்த்தினார். இந்த கனெக்ஷன் புரியவில்லையே என்றார்கள் சினிமா ரசிகர்கள்.
அதன் பிறகே, உதயநிதியின் மனைவி கிருத்திகாவின் இயக்கத்தில் நடிக்க காளிதாஸ் ஒப்பந்தமானது தெரிய வந்தது என்பது குறிப்பிடத்தக்கது.
இதற்கிடையே மாரி செல்வராஜின் படத்துடன் நடிப்புக்கு முழுக்கு போடுகிறார் உதயநிதி ஸ்டாலின் என்று தகவல் வெளியாகியிருக்கிறது. எம்.எல்.ஏ.வான அவர் முழு நேர அரசியலில் ஈடுபட வசதியாக நடிப்புக்கு முழுக்கு போடுகிறாராம்.
த்ருவ் விக்ரமை வைத்து படம் இயக்க தயாராகி வந்தார் மாரி செல்வராஜ். ஆனால் உதயநிதி தன்னை வைத்து படம் பண்ணுமாறு கோரிக்கை விடுத்ததும் அந்த படத்தை கிடப்பில் போட்டுவிட்டாராம்.
மாரி செல்வராஜ் இயக்கத்தில் கடைசியாக வெளியான கர்ணன் படம் சூப்பர் ஹிட்டானது. அதே போன்று உதயநிதியின் படமும் வெற்றி பெறும் என்று நம்பப்படுகிறது.
ஐஸ்வர்யாவின் காதல் வீடியோவில் தனுஷ்: ஆதாரம் இதோ