விஜய்க்கு ஜோடியாகும் ராஷ்மிகா மந்தனா
நெல்சன் இயக்கத்தில் விஜய் நடிப்பில் உருவாகியுள்ள பீஸ்ட் திரைப்படம் ஏப்ரல் மாதத்தில் திரைக்கு வருகிறது. விஜய்க்கு ஜோடியாக பூஜா ஹெக்டே நடித்துள்ளார். இதற்கு பின் தெலுங்கு பட இயக்குனர் வம்சி இயக்கத்தில் தமிழ் மற்றும் தெலுங்கு மொழிகளில் உருவாக இருக்கும் படத்தில் விஜய் நடிக்க இருக்கிறார் . இப்படத்தை பிரபல தயாரிப்பாளர் தில் ராஜு தயாரிக்கிறார். பெரும் எதிர்பார்ப்பு நிலவும் இப்படத்தில் கதாநாயகி யார் என நீண்ட நாட்களாக தெரியாமல் இருந்த நிலையில் விஜய்க்கு ஜோடியாக முதன்முதலில் ராஷ்மிகா மந்தனா இணைந்து நடிக்க இருக்கிறார் . இது குறித்த அதிகாரபூர்வ அறிவிப்பு விரைவில் வெளியாகலாம் என எதிர்பார்க்கப்படுகிறது .