சரக்கு விளம்பரத்திற்காக படுகவர்ச்சியான உடையில் வீடியோ ஒன்றை வெளியிட்டுள்ளார்
சமந்தா
. இதற்கு ரசிகர்கள் கடும் எதிர்ப்பு தெரிவித்து வருவதால் புதிய சிக்கலில் சிக்கிக் கொண்டுள்ளார் சமந்தா.தென்னிந்தியாவில் டாப் நடிகையாக இருந்து வரும் சமந்தாவிற்கு பாலிவுட்டிலும் பட வாய்ப்புக்கள் வர துவங்கி உள்ளன.
ஒரே சமயத்தில் தமிழ், தெலுங்கு என இரு மொழிகளில் டாப் நடிகர்களுடன் நடித்து வருகிறார் சமந்தா. அவர் நடிக்கும் படங்களை விட, கணவர் நாக சைதன்யாவுடனான விவாகரத்தை அறிவித்த பிறகு, சமந்தா என்ன செய்தாலும் அது பரபரப்பான செய்தி ஆகி விடுகிறது.
சூர்யாவிற்கு விஜய் மேல அப்படி என்ன கோபம் ? சூர்யாவின் பேச்சால் வெடித்த சர்ச்சை..!
புஷ்பா பட பாடலே சர்ச்சை, எதிர்ப்பை கிளப்பிய நிலையில், தற்போது சரக்கு விளம்பர வீடியோவில் படு கவர்ச்சியான உடையணிந்து நடித்துள்ளார் சமந்தா. இந்த வீடியோவை அவர் தனது
இன்ஸ்டாகிராம்
பக்கத்தில் பகிர்ந்துள்ளார். இதற்கு ரசிகர்கள் கடும் எதிர்ப்பு தெரிவித்துள்ளனர்.
அமிதாப் பச்சன்
, சல்மான் கான், ஷாருக்கான், ஹிருத்திக் ரோஷன், அஜய் தேவ்கன், மகேஷ் பாபு என டாப் ஹீரோக்கள் பலரும் தடை செய்யப்பட்ட பான் மசாலா விளம்பரங்களில் தொடர்ந்து நடித்து வருவதற்கு எதிராக சமூக நல அமைப்புக்கள் போர்க்கொடி தூக்கி வருகின்றன. ரசிகர்களும் இவர்களை கிண்டல் செய்து மீம்களை பறக்க விட்டு வருகிறார்கள்.
இதனால் பல நடிகர்கள் பான் மசாலா போன்ற போதை பொருட்களின் விளம்பரங்களில் நடிப்பதை கைவிட்டு வருகின்றனர். தமிழிலும்
ரஜினி
உள்ளிட்ட உச்ச நடிகர்கள் தங்களின் படங்களில் புகைபிடிக்கும் காட்சிகளில் நடிப்பதை கைவிட்டு வருகின்றனர்.
சினிமாக்களில்
சிகரெட்
,
மது
அருந்தும் காட்சிகள் வரும் போது கீழே எச்சரிக்கை வாசகம் இடம்பெற வேண்டும் என சொல்கிறது அரசு விதிமுறைகள். ஆனால் சமீப காலமாக நடிகைகள் பலர் சரக்கு கிளாசுடன் இருக்கும் விளம்பரங்களை தங்களின் சோஷியல் மீடியா பக்கங்களில் ப்ரோமோட் செய்து வருகிறார்கள். ராய் லட்சுமி, அமைரா தஸ்தூர், ஹன்சிகா,காஜல் அகர்வால் போன்ற நடிகைகள் இது போன்ற போட்டோக்களை வெளியிட்டு எதிர்ப்பை சம்பாதித்தனர்.
நடிகைகளின் சோஷியல் மீடியா பக்கங்களில் இருக்கும் ஃபாலோவர்களை பொறுத்து, விளம்பர நிறுவனங்கள் அவர்களுக்கு பணமும் கொடுத்து வருகின்றன. இந்நிலையில் டாப் நடிகையான சமந்தா, சரக்கு விளம்பர வீடியோவில் கவர்ச்சி அடையில் தோன்றி இருப்பது பலத்த எதிர்ப்பை கிளப்பி உள்ளது. ஏற்கனவே பல சிக்கல்களில் சிக்கி உள்ள சமந்தாவிற்கு இது புதிய சிக்கலாக அமைந்துள்ளது.
மீண்டும் தலைதூக்கும் உதயநிதி..! எந்த எந்த படங்கள் தெரியுமா?