குக் வித் கோமாளி புகழுக்கு விருந்து வைத்த கிரிக்கெட் வீரர்
விஜய் டிவி பிரபலமான புகழ் குக் வித் கோமாளி நிகழ்ச்சியின் மூலம் பிரபலமானவர். சமீப காலங்களில் சமூக ஊடகங்களிலும் டிரெண்டிங் முகமாக வலம் வருகிறார். இந்நிலையில் அவர் கிரிக்கெட் வீரர் நடராஜன் வீட்டிற்கு திடீரென விசிட் அடித்து சப்ரைஸ் கொடுத்துள்ளார். புகழ், நடராஜன் மற்றும் அவரது நண்பர்கள் சேர்ந்து அப்போது எடுத்துக்கொண்ட புகைப்படங்கள் இணையத்தில் வைரலாகி வருகிறது.
இதுகுறித்து நடராஜன் வெளியிட்டுள்ள பதிவில், 'புகழ் அண்ணன் இருக்கும்போது, நான் சோர்வாக இருந்ததே இல்லை. என்னுடைய அழைப்பை ஏற்று வீட்டிற்கு வந்ததற்கு நன்றி அண்ணா' என கூறியுள்ளார்.
சினிமாவில் பிசியாக நடித்துக் கொண்டிருக்கும் புகழ் தற்போது 'ஏஜெண்ட் கண்ணாயிரம்', 'காசேதான் கடவுளடா', 'யானை' ஆகிய படங்களில் நடித்து வருகிறார்.