சென்னை: மார்ச் 18ம் தேதி மாலை 5 மணிக்கு திமுக எம்எல்ஏக்கள் கூட்டம் திமுக தலைமையகமான சென்னையில் உள்ள அண்ணா அறிவாலயத்தில் நடைபெறுகிறது என திமுக கொறடா அறிவிப்பு வெளியிட்டு உள்ளார்.
தமிழக சட்டப்பேரவை கூட்டத் தொடர் மார்ச் 18 அன்று காலை10.00 மணிக்குச் சென்னை தலைமைச் செயலகத்திலுள்ள சட்டமன்றப்பேரவை மண்டபத்தில் தொடங்க உள்ளதாகவும், அன்றைய தினமே தமிழக நிதிநிலை அறிக்கை தாக்கல் செய்யப்படும் என்றும் சபாநாயகர் அப்பாவு ஏற்கனவே அறிவித்துள்ளார். அதன்படி வரும் வெள்ளிக்கிழமை சட்டப்பேரவை கூட்டம் நடைபெற உள்ளது. அதைத்தொடர்ந்து அன்று நடைபெறும் சட்டமன்ற அலுவல் ஆய்வு கூட்டதில் தான் வேளாண் பட்ஜெட் எப்போது தாக்கல் செய்வது மற்றும் பேரவையை எத்தனை நாட்கள் நடத்துவது என்பது குறித்து முழு தகவலும் தெரியவரும் .
இந்த நிலையில், மார்ச் 18ம் தேதி திமுக எம்எல்ஏக்கள் கூட்டம் சென்னை அண்ணா அறிவாலயத்தில் நடைபெறும் என அறிவிக்கப்பட்டு உள்ளது. பட்ஜெட் தாக்கல் செய்யப்படும் அன்றைய நாளில், மாலை 5 மணிக்கு முதல்வர் மு.க.ஸ்டாலின் தலைமையில் எம்எல்ஏக்கள் கூட்டம் நடைபெற உள்ளது என தமிழக அரசின் தலைமைக் கொறடா கோவி.செழியன் தெரிவித்துள்ளார்.
பட்ஜெட் தாக்கல், கேள்வி-நேரம் நேரடியாக ஒளிபரப்பு செய்யப்படும்! சபாநாயகர் அப்பாவு தகவல்…