தமிழகத்தில் கோவில் சிலைகள் மாயமான வழக்கில் குருக்கள் கைது செய்யப்பட்டுள்ள நிலையில் பல அதிர்ச்சி தகவல்கள் வெளியாகியுள்ளது.
சீர்காழி அருகே உள்ள மன்னங்கோவில் கிராமத்தில் 4 கோவில் சிலைகள் காணாமல் போனது.
இது குறித்து பொலிசார் விசாரித்து வந்த நிலையில் வேறு கோவிலில் இருந்து 2 சிலைகளை மீட்டனர்.
அந்த 2 சிலைகளை கோவில் கருவறையில் குருக்கள் சூர்யமூர்த்தி மறைத்து வைத்திருந்தது கண்டுபிடிக்கப்பட்டது.
இதனை தொடர்ந்து 2 சிலைகளும் சிலை கடத்தல் தடுப்பு பிரிவு பொலிசாரால் மீட்கப்பட்டுள்ளது.
இதனையடுத்து பொலிசாரால் குருக்கள் சூர்யமூர்த்தி கைது செய்யப்பட்டுள்ளார்.
விசாரணையில் கோவில் சாமி சிலைகளை ரூ.2 கோடிக்கு விற்கும் முயற்சியில் சூர்யமூர்த்தி கோவில் கருவறையில் பதுக்கி வைத்தது அம்பலமாகியுள்ளது.
கைது செய்யப்பட்ட அவரிடம் தொடர்ந்து விசாரணை நடைபெற்று வரும் நிலையில் சிலை திருட்டு தொடர்பில் மேலும் பல அதிர்ச்சி தகவல்கள் வெளிவரும் என எதிர்பார்க்கப்படுகிறது.