பீஸ்ட்
படத்தின் அப்டேட் எப்போ வரும் எப்போ வரும் என பல நாட்களாக கேட்டுவந்த ரசிகர்களுக்கு படக்குழு மகிழ்ச்சியான செய்தியை வெளியிட்டுள்ளது. பீஸ்ட் படத்தின் அடுத்த பாடல் வருகின்ற 19 ஆம் தேதி வெளியாகவுள்ளது.
மேலும் இப்பாடலை
விஜய்
பாடியுள்ளார் என்பது தனி சிறப்பு. ஜாலியோ ஜிம்கானா என துவங்கும் இப்பாடலை விஜய் பாடியுள்ளார். இப்பாடலில் விஜய் மற்றும் பூஜா ஹெக்டேவுடன்
நெல்சன்
,
அனிருத்
ஆகியோர் இணைந்து ஆடியிருப்பதாக தகவல்கள் வந்துள்ளன.
பல வருடங்கள் கழித்து விஜய் செய்யவுள்ள காரியம்..எல்லாம் ரசிகர்களுக்காக தான்..!
கடந்த மாதம் வெளியான அரபிக் குத்து அடித்து நொறுக்கி வரும் வேளையில் தற்போது விஜய் பாடியுள்ள ஜாலியோ ஜிம்கானா பாடலும் பல சாதனைகளை படைக்கும் என எதிர்பார்க்கப்படுகின்றது. இந்நிலையில் பீஸ்ட் அப்டேட் பார்த்து ரசிகர்கள் ஆவலாக இருந்தாலும் அவர்களுக்கு ஒரு சந்தேகம் எழுந்துள்ளது.
என்னவென்றால் பீஸ்ட் படத்தின் கதை ஒரு நாள் இரவில் நடப்பதை போன்று உருவாக்கப்பட்டதாகவும், படத்தில் ஒரே ஒரு பாடல் தான் இடம்பெறும் எனவும் பரவலாக தகவல்கள் வந்தது. மேலும் இப்படத்தில் விஜய் படம்முழுக்க ஒரே காஸ்ட்டுமில் தான் வருவார் எனவும் பேசப்பட்டது.
எனவே தற்போது அரபிக் குத்து பாடலை தொடர்ந்து விஜய் பாடிய ஜாலியோ ஜிம்கானா இரண்டாவது பாடலும் வெளியாகவுள்ளது.இந்நிலையில் படத்தில் ஒரே பாடல்தான் இடம்பெறும் என சொல்லப்பட்ட நிலையில் அது அரபிக் குத்து பாடலா இல்லை விஜய் பாடிய பாடலா என ரசிகர்களுக்கு சந்தேகம் எழுந்துள்ளது.
இருப்பினும் விஜய் படத்தில் பாடல்கள் இடம்பெறாமல் எப்படி, அதெல்லாம் வெறும் வதந்திகள்தான். படத்தில் மூன்று அல்லது நான்கு பாடல்கள் இருக்கும் என சில ரசிகர்கள் கருத்து தெரிவித்து வருகின்றனர். என்ன இருந்தாலும் படம் வெளியான பிறகு உண்மை நிலவரம் தெரியும் என்பது குறிப்பிடத்தக்கது.