நண்பர் ஐஸ்வர்யாவை வாழ்த்திய நடிகர் தனுஷ்!
நடிகர் தனுஷூம், ஐஸ்வர்யா ரஜினியும் சமீபத்தில் தங்களது 18 ஆண்டுகால திருமண வாழ்க்கையில் இருந்து விடுபட்டு பிரிந்து வாழப் போவதாக அறிவித்தார்கள். அதையடுத்து முசாபிர் என்ற ஆல்பத்தை இயக்கியுள்ளார் ஐஸ்வர்யா ரஜினி. இந்த ஆல்பத்தின் தமிழ்ப் பதிப்புக்கு பயணி என்று பெயர் வைக்கப்பட்டுள்ளது. இதில் உள்ள பாடலை அனிருத் பாட நடிகர் ரஜினி வெளியிட்டு மகளுக்கு வாழ்த்து தெரிவித்திருக்கிறார்.
இந்த வீடியோவை நடிகர் தனுசும் தனது சமூக வலைதளப் பக்கத்தில் பகிர்ந்துள்ளார். அதோடு நண்பர் ஐஸ்வர்யாவுக்கு வாழ்த்துக்கள். கடவுள் உங்களை ஆசீர்வதிப்பார் என்று தெரிவித்துள்ளார் தனுஷ். அவரது இந்த பதிவு வைரலாகி வருகிறது.