சன் பிக்சர்ஸ் தயாரிப்பில் நெல்சன் இயக்கத்தில் உருவாகி வரும் ’பீஸ்ட்’ படத்தில் நடித்து முடித்துள்ளார்
விஜய்
. இதன் படப்பிடிப்பு முழுவதுமாக முடிவடைந்து ரிலீசுக்கு தயாராக உள்ளது. ஏப்ரல் மாதத்தில் ‘
பீஸ்ட்
‘ படத்தை வெளியிட திட்டமிட்டுள்ளனர் படக்குழுவினர். இந்நிலையில் விஜய்யின் 67 ஆவது படம் குறித்த புதிய தகவல் வெளியாகியுள்ளது.
கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் ‘பீஸ்ட்’ படத்தை இயக்கியுள்ளார் நெல்சன் திலீப்குமார். மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் இந்த படத்தில் நடித்துள்ளனர். இந்தப்படத்தின் அடுத்தடுத்த அப்டேட்கள் ரசிகர்கள் மத்தியில் மிகப்பெரிய எதிர்பார்ப்பை கிளப்பியுள்ளது.
‘பீஸ்ட்’ படத்தை முடித்துவிட்டு தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் விஜய்யின் 66-வது படம் உருவாக்கப்போவதாக அதிகாரப்பூர்வமான அறிவிப்பு வெளியானது. ‘தளபதி 66’ படத்தில் முக்கிய கதாபாத்திரத்தில் மகேஷ்பாபு மகள் மற்றும் பிரகாஷ்ராஜ் ஆகியோர் நடிக்க இருப்பதாகவும் ஏற்கனவே செய்திகள் வெளியானது.
தளபதி வாய்ஸ் செம்ம கூல்.. லுக் மாஸ் க்யூட்: ‘ஜாலி ஓ ஜிம்கானா’ பீவரில் விஜய் ரசிகர்கள்..!
விஜய்யின் 67 வது படத்தை
லோகேஷ் கனகராஜ்
இயக்கவுள்ளதாக கடந்த சில நாட்களாக சமூக வலைத்தளங்களில் செய்திகள் பரவியது. மீண்டும் ‘
மாஸ்டர்
‘ கூட்டணி இணையவுள்ளதாக வெளியான தகவல் ரசிகர்கள் மத்தியில் மிகப்பெரிய எதிர்பார்ப்பினை கிளப்பியது. இந்நிலையில் சமீபத்தில் பா ரஞ்சித்தின் ‘குதிரைவால்’ படத்தை காணவந்த லோகேஷ் கனகராஜிடம் செய்தியாளர்கள் ‘
தளபதி 67
’ படம் குறித்து கேட்டனர்.
அதற்கு பதிலளித்த லோகேஷ் கனகராஜ், ‘தளபதி 67’ படத்தின் பேச்சு வார்த்தை நடைபெற்று வருவதாகவும் அந்த படத்தை தயாரிக்கும் நிறுவனம் இதுகுறித்த அதிகாரபூர்வ அறிவிப்பை வெளியிடும் என்றும் கூறியுள்ளார். மேலும் பேச்சு வார்த்தை உறுதி செய்யப்பட்டவுடன் இந்த ஆண்டு இறுதியில் படப்பிடிப்பு தொடங்கும் என்றும் தெரிவித்துள்ளார். இதனால் ‘தளபதி 67’ படத்தை லோகேஷ் இயக்கவுள்ளது கிட்டத்தட்ட உறுதியாகியுள்ளது.
சால்ட் & பெப்பர் தாடியும், காதில் கடுக்கனும்’ அஜித்தின் நியூ லுக்!