தமிழ் சினிமாவில் தற்போது பரபரப்பான இயக்குனராக வலம் வருகின்றார் நெல்சன். கோலமாவு கோகிலா படத்தின் மூலம் இயக்குனரான
நெல்சன்
அடுத்ததாக சிவகார்த்திகேயனை வைத்து டாக்டர் படத்தையும் இயக்கினார்.
இவ்விரு படங்களின் வெற்றியை தொடர்ந்து தற்போது விஜய்யை வைத்து
பீஸ்ட்
படத்தை இயக்கி முடித்துள்ளார். இப்படத்தை தொடர்ந்து சூப்பர்ஸ்டார் ரஜினியின் படத்தையும் இயக்கவுள்ளார். இவ்வாறு மளமளவென வளர்ந்து வரும் நெல்சன் தற்போது பீஸ்ட் படத்தின் இறுதிக்கட்ட பணிகளில் பிஸியாக உள்ளார்.
விஜய் இந்த இயக்குனருடன் இணையாததற்கு இதுதான் காரணமா ? சேர்ந்திருந்த செமயா இருந்திருக்குமே..!
இந்நிலையில் பீஸ்ட் படத்தின் இரண்டாவது பாடல் வெளியிட்டிற்காக ஒரு ப்ரோமோ ஒன்றை வெளியிட்டார் நெல்சன். இதில் பீஸ்ட் படத்தில் நடிக்கும்
ரெடின் கிங்ஸ்லி
, VTV கணேஷ் போன்றவர்களை நெல்சன் நடனம் ஆட தெரியாததற்காக நகைச்சுவையாக கிண்டல் செய்வார்.
அதில் குறிப்பாக ரெடின் கிங்ஸ்லியை பார்த்து 20 வருஷமா டான்ஸ் ஆடுறனு சொல்ற, இந்த ஸ்டேப் கூட போடமாற்ற என கூறியிருப்பார். அந்த வீடியோ செம வைரலானது. ஆனால் ஒரு சில ரசிகர்கள் நெல்சன் இந்த வீடியோவில் அஜித்தை கிண்டல் செய்துள்ளார் என தவறான தகவலை பரப்பி வருகின்றனர்.
நெல்சன் ரெடினை பார்த்து சொல்லும் வசனம் அஜித்தை தான் குறிப்பிட்டு சொல்லியிருக்கின்றார் என சில ரசிகர்கள் கூறிவருகின்றனர். ஆனால் இது முற்றிலும் தவறான தகவல் என பல ரசிகர்கள் கருத்து தெரிவிக்கின்றனர்.
நெல்சன் அந்த வீடியோவில் நகைச்சுவையாகவே ரெடின் கிங்ஸ்லியை கலாய்த்திருப்பார். ரெடின் அடிப்டையாகவே ஒரு நடன கலைஞர். எனவேதான் அவர் ரெடின் கிங்ஸ்லியை பார்த்து இவ்வாறு கூறியிருக்கின்றார். இதை தவறாக புரிந்துகொண்ட சில ரசிகர்கள் இதுபோன்ற கருத்துக்களை பரப்பி இணையத்தில் மோதலை உருவாக்குகின்றனர் என்பது குறிப்பிடத்தக்கது.