Tamil Nadu News Updates: உக்ரைன் ரஷ்யா போர் காரணமாக, உக்ரைனில் மார்ச் 18 ஆம் தேதி வரை சுமார் 847 பேர் உயிரிழந்துள்ளனர்.1399 பேர் காயமடைந்துள்ளதாக ஐநா மனித உரிமைகள் ஆணையம் தெரிவித்துள்ளது.
ஈசிஆரில் மது விருந்து – 500 பேரிடம் விசாரணை
சென்னை கிழக்கு கடற்கரை சாலை தனியார் விடுதியில் சட்டவிரோதமாக மது விருந்து நடைபெற்றது கண்டுபிடிக்கப்பட்டுள்ளது. 500க்கும் மேற்பட்ட இளைஞர்களிடம் விசாரணை நடைபெறுகிறது. சோதனையில் போதைப் பொருட்களும் பறிமுதல் செய்யப்பட்டுள்ளனர்.
ரஷ்யாவுக்கு உக்ரைன் அதிபர் எச்சரிக்கை
பேச்சுவார்த்தைக்கு இதுதான் சரியான நேரம், உடன்படாவிட்டால் ரஷ்யா பெரும் விளைவுகளை சந்திக்க நேரிடும் என அந்நாட்டு அரசுக்கு உக்ரைன் அதிபர் ஜெலன்ஸ்கி எச்சரிக்கை விடுத்துள்ளார்.
“இது இஸ்லாமியர்கள் மீதான திட்டமிட்ட சதி” – Hijab Protest
வங்கக் கடலில் உருவாகிறது “அசானி” புயல்
வங்கக்கடலில் அந்தமான் நிகோபர் தீவுகள் அருகே அசானி புயல் நாளை உருவாகுகிறது. கனமழை எச்சரிக்கை காரணமாக, அந்தமானில் பள்ளிகளுக்கு விடுமுறை அளிக்கப்பட்டுள்ளது.
பெட்ரோல், டீசல் அப்டேட்
சென்னையில் 136வது நாளாக பெட்ரோல், டீசல் விலையில் மாற்றமில்லை.பெட்ரோல் லிட்டர் ரூ101.40-க்கும், டீசல் ரூ91.43-க்கும் விற்பனையாகிறது.
இந்தியாவில் மேலும் 1,761 பேருக்கு கொரோனா பாதிப்பு கண்டறியப்பட்டுள்ளது. தற்போது, கொரோனாவிற்கு 26,240 பேர் சிகிச்சை பெற்று வருகின்றனர். கொரோனா பாதிப்பு காரணமாக மேலும் 127 பேர் உயிரிழந்துள்ளனர்.
சென்னையில் இருந்து பழனி வந்த ரயில், என்ஜின் கோளாறு காரணமாக கோம்பைப்பட்டி கிராமம் அருகே நின்றது. என்ஜின் கோளாறை சரி செய்யும் பணியில் ரயில்வே ஊழியர்கள் ஈடுபட்டுள்ளனர்.
உக்ரைன் மீது நடத்தும் தாக்குதலை ரஷ்யா தீவிரப்படுத்தியுள்ளது. சூப்பர்சோனிக் ஏவுகணைகளை பயன்படுத்தியதை புதின் அரசு ஒப்புக்கொண்டுள்ளது.
இஸ்ரேல் பிரதமர் நஃப்தலி பென்னட் முதல் முறையாக இந்தியா வருகிறார். ஏப்ரல் 2இல் இந்தியா வரும் அவர், பிரதமர் மோடியை சந்தித்து இருநாட்டு உறவுகளை மேம்படுத்துவது குறித்து கலந்துரையாடவுள்ளார்.
இண்டியன் வெல்ஸ் மாஸ்டர்ஸ் டென்னிஸ் போட்டியில் சக நாட்டு இளம் வீரர் கார்லோசை வீழ்த்தி ரபேல் நடால் இறுதிச் சுற்றுக்கு முன்னேறினார்
2019இல் நடைபெற்ற நடிகர் சங்க தேர்தலில் பதிவான வாக்குகள் சென்னையில் இன்று எண்ணப்படுகிறது. மொத்தம் பதிவான சுமார் 2500 வாக்குகளில், 1500 வாக்குகள் தபால் மூலம் பதிவு செய்யப்பட்டுள்ளன.