ரஷ்ய அதிபர் விளாடிமிர் புடினுடன் பேச்சுவார்த்தைக்கு தயார்; ஆனால், அது தோல்வி அடைந்தால், மூன்றாம் உலகப் போராகவே அர்த்தம் கொள்ளப்படும் என, உக்ரைன் அதிபர் வோலோமிடிர் ஜெலன்ஸ்கி தெரிவித்து உள்ளார்.
அமெரிக்கா, பிரிட்டன் உள்ளிட்ட நாடுகள் அடங்கிய நேட்டோ அமைப்பில் உக்ரைன் சேருவதற்கு எதிர்ப்பு தெரிவித்து வந்த ரஷ்யா, கடந்த மாதம் 24 ஆம் தேதி அந்நாட்டிற்குள் புகுந்து தாக்குதல் நடத்தியது. உக்ரைன் மீது ரஷ்யா நடத்தி வரும் தாக்குதல் இன்று 25வது நாளை எட்டியுள்ளது. உக்ரைனின் பல நகரங்களை கைப்பற்றி உள்ள ரஷ்யா, தலைநகர் கீவ் நகரைக் கைப்பற்ற முழு வீச்சில் தாக்குதல் நடத்தி வருகிறது.
ரஷ்யாவின் தாக்குதலுக்கு உக்ரைனும் கடுமையாக எதிர்த்து போராடுவதால், ரஷ்ய வீரர்களால் எளிதில் தலைநகரை கைப்பற்ற முடியவில்லை. இதனால், ஹைப்பர்சோனிக் ஏவுகணை போன்றவை மூலமும் ரஷ்யா, உக்ரைன் மீது தாக்குதல் நடத்தி அந்நாட்டை நிலை குலைய வைத்து வருகிறது.
மார்ச் 23 முதல் மீண்டும் முழு ஊரடங்கு – அரசு திடீர் முடிவால் பரபரப்பு!
ரஷ்யப் படைகள் நடத்திய தாக்குதலில், இதுவரை 100-க்கும் மேற்பட்ட குழந்தைகள் உயிழந்துள்ளதாக அதிர்ச்சித் தகவல் வெளியாகி உள்ளது. மேலும் போர் பதற்றம் காரணமாக உக்ரைன் நாட்டில் இருந்து சுமார் 6 லட்சம் பேர் அகதிகளாக அண்டை நாடுகளுக்கு தஞ்சம் அடைந்துள்ளாக ஐக்கிய நாடுகள் சபை தெரிவித்துள்ளது.
இந்த நிலையில் இன்று, ரஷ்ய அதிபர் புடினுடன் பேச்சுவார்த்தைக்கு தயாராக இருப்பதாக உக்ரைன் அதிபர் வோலோமிடிர் ஜெலன்ஸ்கி தெரிவித்து உள்ளார். இது தொடர்பாக பேசிய அவர், இந்த பேச்சுவார்த்தை தோல்வி அடைந்தால், அது மூன்றாம் உலகப் போராக மாறும். கடந்த 2 ஆண்டுகளாகவே நான் பேச்சுவார்த்தைக்கு தயராக இருக்கிறேன். ஆனால், பேச்சுவார்த்தையின்றி இந்தப் போரை நம்மால் முடிவுக்கு கொண்டு வர முடியாது” என்றார்.