மகளை அறிமுகம் செய்த மகேஷ்பாபு
பரசுராம் இயக்கத்தில் மகேஷ்பாபு நடித்துள்ள படம் சர்காரு வாரி பாட்டா. கீர்த்தி சுரேஷ் நாயகியாக நடித்துள்ள இந்த படம் மே மாதம் 12ல் திரைக்கு வருகிறது. இப்படத்தில் இருந்து ‛பென்னி' என்ற இரண்டாவது பாடலை நேற்று வெளியிட்டனர். இதில், மகேஷ்பாபு மட்டுமின்றி அவரது மகள் சித்தாராவும் நடனமாடியிருக்கிறார். இதன்மூலம் மகளை தனது படத்திலேயே அறிமுகம் செய்துள்ளார் மகேஷ் பாபு. இதனால் அந்த பாடலுக்கு நல்ல வரவேற்பு கிடைத்துள்ளது. சுமார் 20 மணிநேரத்தில் 1 கோடிக்கும் அதிகமான பார்வைகளும், 5 லட்சத்திற்கும் அதிகமான லைக்குகளும் இந்த பாடலுக்கு கிடைத்துள்ளது.
தெலுங்கில் வம்சி இயக்கும் விஜய் 66வது படத்தில் தான் மகேஷ்பாபுவின் மகள் சித்தாரா அறிமுகமாக போவதாக ஏற்கனவே செய்திகள் வெளியாகி வந்த நிலையில், தற்போது அவர் சர்காரு வாரி பாட்டா படத்திலேயே அறிமுகமாகியிருக்கிறார்.