‘மாஸ்டர்’ படத்தின் வெற்றியை தொடர்ந்து தற்போது ‘
பீஸ்ட்
‘ படத்தில் நடித்து முடித்துள்ளார்
விஜய்
. இந்தப்படம் தொடர்பாக வெளியாகும் செய்திகள் அனைத்தும் இணையத்தில் படு வேகமாக வைரலாகி வருகிறது. ஏப்ரலில் ‘பீஸ்ட்’ படம் வெளியாகவுள்ளதால் ப்ரோமோஷன் பணிகளில் மும்முரமாக ஈடுபட்டு வருகின்றனர் படக்குழுவினர்.
கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார்
நெல்சன் திலீப்குமார்
. சன் பிக்சர்ஸ் தயாரிக்கும் ‘பீஸ்ட்’ படத்தில் விஜய்க்கு ஜோடியாக
பூஜா ஹெக்டே
நடித்துள்ளார். இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
இந்நிலையில் கடந்த மாதம் 14ஆம் தேதி காதலர் தினத்தன்று வெளியான ‘பீஸ்ட்’ படத்தி பர்ஸ்ட் சிங்கிளான “ஹலமித்தி ஹபிபோ” பாடல் பட்டி தொட்டியெங்கும் ஒலித்து வருகிறது. தளபதி விஜய்யின் துள்ளலான நடனமும் அனிருத்தின் அசத்தலான இசையும் இணைந்து வெளியாகியுள்ள இந்தப் பாடல் இதுவரை யூட்யூப்பில் பல கோடி பார்வையாளர்களை கடந்து சாதனை படைத்து வருகிறது.
தனுஷ் பெயரை நீக்கியவுடன் ஐஸ்வர்யா போட்ட ‘ஒத்த’ போஸ்ட்: ஷாக்கான ரசிகர்கள்..!
அதனை தொடர்ந்து ‘பீஸ்ட்’ படத்தின் செகண்ட் சிங்கிளான ‘ஜாலியோ ஜிம்கானா’ பாடல் வெளியாகியுள்ளது. அனிருத் இசையில் விஜய் பாடியுள்ள இந்தப்பாடல் கலர்புல்லாக பாடல் இருப்பதாகவும், விஜய் வாய்ஸ் செம்ம கூலாகவும், லுக் க்யூட்டாகவும் இருப்பதாக ரசிகர்கள் கமெண்ட் அடித்து வருகின்றனர். இந்நிலையில் ‘பீஸ்ட்’ படத்திற்கு சிபிஎப்சி குழு நேற்று யு/ஏ தணிக்கை சான்றிதழை வழங்கியதாக தகவல் வெளியாகியது.
இதனை தொடர்ந்து படத்தின் தணிக்கை சான்றிதழும் இணையத்தில் கசிந்தது. மேலும் விஜய் ரசிகர்கள் ‘பீஸ்ட்’ படத்தின் தணிக்கை சான்றிதழை அதிகளவு தேடியதில் சிபிஎப்சி இணையதளம் முடங்கியுள்ளது. அந்தளவிற்கு படத்திற்கு வெறித்தனமான காத்திருப்பில் இருக்கின்றனர் ரசிகர்கள். ‘பீஸ்ட்’ படம் ஏப்ரல் 13 ஆம் தேதி வெளியாகவுள்ளதாக செய்திகள் இணையத்தில் கசிந்துள்ளது குறிப்பிடத்தக்கது.
மீண்டும் ஃபார்முக்கு வந்த விஜயகாந்த்; போட்டோ பார்த்து குஷியான ரசிகர்கள்!