பிரபல டிவி நிகழ்ச்சி தொகுப்பாளினியான
டிடி
என்கிற
திவ்யதர்ஷினி
அவ்வப்போது படங்களிலும் நடித்து வருகிறார். சிறு, சிறு கதாபாத்திரங்களில் நடிக்கிறார்.
அவர் சில காட்சிகளில் மட்டுமே வந்தாலும் ரசிகர்களை கவர்ந்துவிடுவார். அது தான் டிடியின் ஸ்பெஷலே. இந்நிலையில்
சுந்தர் சி
. இயக்கி வரும் படத்தில் முக்கிய கதாபாத்திரத்தில் நடிக்கிறார் டிடி.
அந்த படத்தில் டிடி கர்ப்பமாக இருப்பது போன்றும், அவருக்கு வளைகாப்பும் நடக்கிறது. அந்த ரீல் வளைகாப்பின்போது எடுக்கப்பட்ட புகைப்படத்தை நடிகர் விஸ்வநாத் தன் இன்ஸ்டாகிராம் ஸ்டோரியில் வெளியிட்டார்.
அதை பார்த்தவர்களோ, டிடிக்கு நிஜமாகவே வளைகாப்பு நடந்துவிட்டதோ என்று தவறாக நினைத்துவிட்டார்கள். கர்ப்பமாக இருக்கும்போது முகத்தில் ஏற்படும் பொலிவு டிடி முகத்தில் இருந்ததும் அதற்கு காரணம்.
டிடிக்கு திருமணம் நடந்தபோதிலும் அது விவாகரத்தில் முடிந்துவிட்டது. அதன் பிறகு அவர் சிங்கிளாகத் தான் இருக்கிறார்.
2வது முறை அம்மாவாகும் டிடி என்பதற்கு ஒரு விளக்கம் இருக்கிறது. அதாவது தனுஷ் இயக்கிய ப. பாண்டி படத்தில் ஒரு பெண் குழந்தைக்கு தாயாக நடித்தார் டிடி. இந்நிலையில் தற்போது மீண்டும் தாயாக நடிக்கிறார்.