தனுஷை பிரிந்த பிறகு தன் கெரியரில் கவனம் செலுத்தி வருகிறார்
ஐஸ்வர்யா
ரஜினிகாந்த். கொரோனா வைரஸ் பாதிப்பில் இருந்து மீண்டு வந்த ஐஸ்வர்யாவின் உடல்நலம் சரியில்லை.
இந்நிலையில் அவர் பாலிவுட் செல்கிறார். ஓ சாத்தி சல் என்கிற அந்த காதல் கதை கொண்ட படத்தை இயக்கத் தயாராகி வருகிறார்.
இதற்கிடையே நாங்கள் உங்களுடனேயே தங்கிவிடுகிறோம் என்று மகன்கள்
யாத்ரா
, லிங்கா தங்கள் அப்பா தனுஷிடம் கூறியதாக தகவல் வெளியாகி தீயாக பரவியது.
அம்மா வேண்டாம் என்று பிள்ளைகள் சொல்வது ஆச்சரியமாக இருக்கிறதே என்று ரசிகர்கள் பேசினார்கள். இந்நிலையில் தன் செல்லங்கள் தனக்கு பாசத்துடன் முத்தம் கொடுத்தபோது எடுக்கப்பட்ட புகைப்படத்தை சமூக வலைதளங்களில் வெளியிட்டுள்ளார் ஐஸ்வர்யா. அம்மா வேண்டாம் என பிள்ளைகள் கூறியதை அடுத்தே இந்த முத்த போட்டோஷூட் என்று பேசப்படுகிறது.
அந்த புகைப்படத்தை பார்த்த ரஜினி ரசிகர்கள் கூறியிருப்பதாவது,
தாய்ப்பாசத்திற்கு இணை எதுவும் இல்லை. இந்த புகைப்படத்தை பார்க்கும்போதே சந்தோஷமாக இருக்கிறது. எப்பொழுதும் சந்தோஷமாக இருங்கள் அக்கா என தெரிவித்துள்ளனர்.
சந்தோஷம் அண்ணி. ஆனால் அண்ணனுடன் மீண்டும் சேர்வீர்களா, மாட்டீர்களா என்பதை தயவு செய்து சொல்லுங்கள் என
தனுஷ்
ரசிகர்கள் கூறியுள்ளனர்.
ட்விட்டர் கணக்கில் தன் பெயருக்கு பின்னால் இருந்த தனுஷின் பெயரை நேற்று நீக்கிவிட்டார் ஐஸ்வர்யா என்பது குறிப்பிடத்தக்கது.