சுரேஷ் காமாட்சி தயாரிப்பில்,
வெங்கட் பிரபு
இயக்கத்தில் சிம்பு நடிப்பில் வெளியான படம் ‘மாநாடு’. கடந்த ஆண்டு நவம்பர் 25 ஆம் தேதி திரையரங்குகளில் வெளியான இந்தப்படம் பாக்ஸ் ஆபிஸிலும் கலக்கியது. இதனை தொடர்ந்து அடல்ட் காமெடி படமாக ‘
மன்மத லீலை
‘ படத்தை இயக்கி முடித்துள்ளார் வெங்கட் பிரபு..
‘மாநாடு’ படத்தின் பிரம்மாண்ட வெற்றியை தொடர்ந்து
அசோக் செல்வன்
நடிப்பில் ‘மன்மதலீலை’ என்ற படத்தை இயக்க ஆரம்பித்தார் வெங்கட் பிரபு. பிரேம்ஜி இசையமைக்கும் இந்தப்படத்தில்
சம்யுக்தா ஹெக்டே
,
ஸ்மிருதி வெங்கட்
, ரியா சுமன் ஆகியோர் நாயகிகளாக நடிக்கின்றனர்.
இந்த படத்தின் பர்ஸ்ட் லுக் போஸ்டர் ஏற்கனவே வெளியாகி ரசிகர்கள் மத்தியில் நல்ல வரவேற்பை பெற்றிருந்தது. அண்மையில் இந்த படத்தின் கிளிம்ப்ஸ் வீடியோ வெளியானது. இதனை நடிகர் சிம்பு வெளியிட்டுள்ளார். இந்த வீடியோ முழுவதும் வசனங்கள் ஏதுமின்றி முத்த காட்சிகளுடன் அமைந்திருந்தது.
இந்நிலையில் இந்தப்படம் குறித்து பேசிய வெங்கட் பிரபு, என்னுடைய உதவியாளர் மணிவண்ணனின் கதை தான் இது. அசோக்கை கொரோனா நேரத்தில் சந்தித்து இந்தக் கதையை சொன்னேன் உடனே செய்யலாம் என்றார். இதுபோன்ற ஒரு படத்தை இயக்குவதற்கு எனக்கு இம்ரேஷனாக இருந்தவர் பாக்யராஜ் சார் தான். இந்த காலத்தில் இப்படி ஒரு படம் எடுத்தால் எப்படி இருக்கும் என்று எடுத்த படம் தான் மன்மத லீலை.
மாஜி கணவருக்கு எதிராக சமந்தா செய்த காரியம்: நாக சைதன்யா கொடுத்த பதிலடி..!
ஒரு சாதாரண மனிதன் தன் வாழ்க்கையில் செய்யும் சிறிய தவறு அவன் வாழ்க்கையை எப்படி மாற்றுகிறது என்பதை ஜாலியாக, காமெடியாக இந்த படத்தில் சொல்லி இருக்கிறோம். இது அடல்ட் படம் தான் இந்த படத்திற்கு ஏ சர்டிபிகேட் கொடுத்து இருக்காங்க. ஆனால் படத்தில் முகம் சுளிக்கும் அளவுக்கு விரசம் இருக்காது. 18 வயசுக்கு மேற்பட்ட அனைவரும் படத்தை பார்க்கலாம்.
இந்த படத்தின் டிரைலரைப் பார்த்துவிட்டு பலர் இது கில்மா படம் என்று கூறுகிறார்கள். ஆனால், இது அப்படிப்பட்ட படம் இல்ல, எனக்கும் பெண் குழந்தைகள் இருக்கிறார்கள், நான் அப்படி படம் எடுக்க மாட்டேன். இந்தப் படம் கண்டிப்பாக அனைவரும் இணைந்து ரசிக்கும் படியான படமாக இருக்கும் உங்களுக்கு பிடிக்கும். இவ்வாறு தெரிவித்துள்ளார் வெங்கட்பிரபு. ‘மன்மத லீலை’ ஏப்ரல் 1ஆம் தேதி வெளியாகவுள்ளது குறிப்பிடத்தக்கது.
உ பி யில் இருக்கும் வெறித்தனமான ரஜினி ரசிகர்!