உத்தரக்கண்ட் முதலமைச்சராகப் புஷ்கர் சிங் இரண்டாவது முறையாகப் பதவியேற்றுக் கொண்டார்.
உத்தரக்கண்ட் சட்டப்பேரவைத் தேர்தலில் பாஜக மீண்டும் வெற்றி பெற்று ஆட்சியைத் தக்க வைத்தது. இன்று டேராடூனில் நடைபெற்ற நிகழ்ச்சியில் புஷ்கர் சிங் தாமி மீண்டும் முதலமைச்சராகப் பதவியேற்றார். அவருடன் 8 பேர் அமைச்சர்களாகப் பதவியேற்றுக் கொண்டனர். நிகழ்ச்சியில் பிரதமர் மோடி, மத்திய அமைச்சர்கள் அமித் ஷா, ராஜ்நாத் சிங், நிதின் கட்கரி, உத்தரப் பிரதேச முதலமைச்சர் யோகி ஆதித்யநாத், பாஜக தலைவர் ஜே.பி.நட்டா உள்ளிட்டோர் கலந்துகொண்டனர்.