பாண்டியன் ஸ்டோர்ஸ் முடிவுக்கு வருகிறதா? ரசிகர்கள் அதிர்ச்சி
விஜய் டிவியின் ஹிட் தொடர்களில் ஒன்றான பாண்டியன் ஸ்டோர்ஸ் விரைவில் முடிவடைய போவதாக தகவல் வெளியாகியுள்ளது. இதனால் அந்த தொடரின் ரசிகர்கள் அதிர்ச்சியடைந்துள்ளனர்.
கூட்டுக் குடும்ப வாழ்க்கையை மையப்படுத்திய இந்த சீரியலில் ஸ்டாலின், சுஜிதா, வெங்கட் ரங்கநாதன், ஹேமா ராஜ்குமார், குமரன் தங்கராஜன், சரவண விக்ரம் உள்ளிட்ட பலர் நடித்து வருகிறார்கள். பேமிலி ஆடியன்ஸ் மத்தியில் இந்த தொடர் நல்ல வரவேற்பை பெற்று வருகிறது.
இந்நிலையில் இந்த தொடர் நிறைவுபெற உள்ளதாக செய்திகள் வெளியாகியது. ஆனால், உண்மையில் பாண்டியன் ஸ்டோர்ஸ் தொடர் முடிவுக்கு வரவில்லை. இதன் தெலுங்கு வெர்சனான வதினம்மா என்ற தொடர் தான் முடிவுக்கு வருகிறது. வதினம்மா தொடரிலும் தனம் (தெலுங்கில் சீதா) கதாபாத்திரத்தில் சுஜிதா தான் நடிக்கிறார் என்பதால் தான் இந்த குழப்பம் ஏற்பட்டுள்ளது. 2019 ஆம் ஆண்டில் தெலுங்கில் வதினம்மா என்ற பெயரில் வெளிவந்த இந்த தொடர், 595 எபிசோடுகளை கடந்துள்ளது. எனினும், தெலுங்கு மக்களிடையே இந்த தொடர் போதிய வரவேற்பை பெறாத நிலையில் தற்போது இறுதிக்கட்டத்தை எட்டியுள்ளது.
தமிழில் 2018ம் ஆண்டு ஒளிபரப்ப தொடங்கிய 'பாண்டியன் ஸ்டோர்ஸ்' தொடர் 820 எபிசோடுகளை கடந்து வெற்றிகரமாக ஓடிக் கொண்டிருக்கிறது.