இந்திய ஸ்மார்ட்போன் பயனர்கள் குறைந்த விலை போன்களை பெரிதும் விரும்புகின்றனர். பலர் பட்ஜெட் ஸ்மார்ட்போன்களை வாங்க முனைகிறார்கள். நீங்களும் அத்தகைய மலிவான ஸ்மார்ட்போனை வாங்க விரும்பினால், விரைவில் ஒரு புதிய 4G போன் பட்டியலில் சேரவுள்ளது.
பிரபல நிறுவனமான Realme தனது மலிவு விலை ஸ்மார்ட்போனான Realme C31-ஐ இந்தோனேசியா நாட்டில் அறிமுகப்படுத்தியுள்ளது. 4ஜி இணைப்பு வசதி கொண்ட இந்த Android ஸ்மார்ட்போன் விரைவில் இந்திய சந்தையில் அறிமுகம் செய்யப்படும் என எதிர்பார்க்கப்படுகிறது. வெளியான தகவல்களின்படி, இந்த ஸ்மார்ட்போன் மார்ச் 31 அன்று இந்தியாவில் வெளியாகலாம் என்று தெரியவந்துள்ளது.
ரியல்மி சி31 அம்சங்கள் (Realme C31 Specifications)
புதிய ரியல்மி ஸ்மார்ட்போனில் 6.5″ இன்ச் 60Hz ரெப்ரெஷ் ரேட் கொண்ட HD+ LCD டிஸ்ப்ளே உள்ளது. இது 480 nits வரை பிரைட்னஸை ஆதரிக்கிறது. இந்த திரையின் அடர்த்தி 269PPI ஆக உள்ளது.
Android 11
அடிப்படையிலான
Realme UI R
ஸ்கின் இந்த போனை இயக்குகிறது.
oppo: ரெட்மியுடன் மோதும் ஒப்போ K10 – 50MP கேமராவுடன் அறிமுகம்!
இந்த ஸ்மார்ட்போன்
Unisoc T612
processor சிப்செட் கொண்டு இயக்கப்படுகிறது. மேலும், 3GB, 4GB LPDDR4X ரேம் பயன்படுத்தப்பட்டுள்ளது. ஸ்டோரேஜ் மெமரியாக UFS 2.1 32GB, 64GB ஆகிய இரு தேர்வுகள் வழங்கப்பட்டுள்ளது. MicroSD card உதவியுடன் 1TB வரை மெமரியை விரிவுபடுத்தலாம்.
குறைந்த விலை ரியல்மி ஸ்மார்ட்போனின் பின்புறத்தில் டிரிப்பிள் கேமரா அமைப்பு கொடுக்கப்பட்டுள்ளது. இதில், 13MP f/2.2 5P lens, 2MP மேக்ரோ கேமரா, 2MP மோனோகுரோம் சென்சார் ஆகியவை பயன்படுத்தப்பட்டுள்ளது. செல்பி மற்றும் வீடியோ அழைப்புகளுக்காக 5MP f/2.4 3P lens கொடுக்கப்பட்டுள்ளது.
ஜியோமேக்னெடிக் சென்சார், லைட் சென்சார், புராஸிமிட்டி சென்சார், அக்செலெரோமீட்டர், கிராவிட்டி சென்சார் ஆகிய சென்சார்கள் ஸ்மார்ட்போனில் பயன்படுத்தப்பட்டுள்ளது.
ரியல்மி சி31 விலை (Realme C31 Price in India)
Wi-Fi 5 GHz, Bluetooth 5.0, SBC, AAC, aptX, LDAC ஆடியோ கோடெக், MicroUSB, 3.5mm ஹெட்போன் ஜாக் ஆகிய இணைப்பு ஆதரவும் ரியல்மி சி31 ஸ்மார்ட்போனில் உள்ளது. GPS, AGPS, BeiDou Navigation Satellite System, GLONASS, Galileo போன்ற இருப்பிட சென்சார்களும் இதில் நிறுவப்பட்டுள்ளது.
இந்த ஸ்மார்ட்போனை சக்தியூட்ட 5000mAh பேட்டரி பயன்படுத்தப்பட்டுள்ளது. ஸ்மார்ட்போனுடன் சார்ஜர் கொடுக்கப்படுகிறது. எனினும், இதில் பாஸ்ட் சார்ஜிங் ஆதரவு கொடுக்கப்படுமா என்ற தகவல்கள் இன்னும் கிடைக்கவில்லை.
Snapdragon சிப்செட் உடன் வரும் மலிவு விலை Redmi ஸ்மார்ட்போன்!
மூன்று வண்ணத் தேர்வுகளில் வெளியாகும் என எதிர்பார்க்கப்படும் ரியல்மி சி31 ஸ்மார்ட்போனின் 3GB + 32GB வேரியண்டின் விலை ரூ.8,499 ஆகவும், 4GB + 64GB வேரியண்டின் விலை ரூ.9,999 ஆகவும் விற்பனைக்கு கொண்டு வரப்படும் என எதிர்பார்க்கப்படுகிறது.
புதிய 4ஜி ஸ்மார்ட்போனை வெளியிட்டுள்ள ரியல்மி நிறுவனம், அதன் இந்திய விலை குறித்த விவரங்களை இன்னும் வெளியிடவில்லை என்பது குறிப்பிடத்தக்கது. இந்தியாவில் மார்ச் 31, 2022 அன்று வெளியாகும் இந்த ஸ்மார்ட்போன் Realme, Flipkart ஆகிய தளங்களில் விற்பனைக்கு கொண்டுவரப்படும் என எதிர்பார்க்கப்படுகிறது.
அடுத்த செய்திஉங்களுக்கு இது தெரிஞ்சிருக்காது – வெளியான OnePlus Pad 5G டேப்லெட் தகவல்கள்!