சென்னை: இளநிலை, முதுநிலை தேர்வு முடிவுகள் சென்னை பல்கலைக்கழகம் இணையதளத்தில் வெளியிட்டு உள்ளது.
கொரோனா தொற்று காணமாக கடந்த இரு ஆண்டுகளாக ஆன்லைன் மூலம் பள்ளி கல்லூரிகள் நடைபெற்ற நிலையில், ஆன்லைன் மூலமும் தேர்வு நடத்தப்பட்டது. பின்னர் தொற்ற பரவல் குறையத்தொடங்கியதும், பிப்ரவரி 1ம் தேதி முதல் நிலையான வழிகாட்டு நெறிமுறைகளை பின்பற்றி பள்ளி, கல்லுாரிகள் திறக்கப்பட்டு மாணவர்களுக்கு நேரடி வகுப்புகள் நடத்தப்பட்டு வருகிறது.
இந்த நிலையில் சென்னை பல்கலைக்கழகத்தின் சார்பில் கடந்தஆண்டு (2021) நவம்பர் மாதம் நடைபெற்ற இளநிலை மற்றும் முதுநிலை படிப்புகளுக்கான ஆன்லைன் தேர்வு முடிவுகள் இன்று வெளியிடப்பட்டு உள்ளன. அந்த முடிவுகளை: https://result.unom.ac.in என்கிற இணைய தளத்தின் மூலம் தெரிந்து கொள்ள முடியும்.
இதுதொடர்பாக சென்னை பல்கலைக்கழகம் வெளியிட்டுள்ள அறிவிப்பில், இன்று பல்கலைக்கழகம் செமஸ்டர் தேர்வு முடிவுகள் வெளியிடப்பட்டுள்ளன. இந்த தேர்வு முடிவுகளை சென்னை பல்கலைக்கழகத்தின் அதிகாரப்பூர்வ அதிகாரப்பூர்வ இணையதளம் http://result.unom.ac.in-ல் மற்றும் https://egovernance.unom.ac.in/results/ மூலம் தெரிந்து கொள்ளலாம் என்று சென்னை பல்கலைக்கழகம் அறிவித்துள்ளது.