திரைப்பட துறையில் வழங்கப்படும் மிக உயரிய விருதான ஆஸ்கர் விருது விழா அமெரிக்காவின் லாஸ் ஏஞ்சல்ஸ் நகரில் இன்று கோலாகலமாக நடைபெற்று வருகிறது. ஹாலிவுட் சிட்டியான லாஸ் ஏஞ்சல்ஸின் டால்பி தியேட்டரில் இந்த விருது விழா நடைபெற்று வருகிறது.
ஆஸ்கர் விருது விழா கொரோனா காரணமாக கடந்த 3 ஆண்டுகளாக தொகுப்பாளர்கள் இல்லாமல் விர்ச்சுவல் முறையில் நடைபெற்று வந்தது. இந்நிலையில், இந்த ஆண்டு வாண்டா சைக்ஸ், ஏமி ஸ்கூமர் , ரெஜினா ஹால் ஆகியோர் தொகுத்து வழங்கி வருகின்றனர்.
இந்நிலையில் கிங் ரிச்சர்ட் படத்தில் நடித்ததற்காக நடிகர் பிரபல ஹாலிவுட் நடிகர்
வில் ஸ்மித்
, சிறந்த நடிகருக்கான ஆஸ்கர் விருதைப் பெறுவதற்காக வந்திருந்தார். அப்போது நிகழ்ச்சியை தொகுத்து வழங்கிக் கொண்டிருந்த நடிகர்
கிறிஸ் ராக்
நடிகர் ஸ்மித்தின் மனைவியான நடிகை ஜடா பிங்கெட் ஸ்மித் பற்றி நகைச்சுவையாக பேசினார்.
இன்னும் படமே ரிலீஸ் ஆகல… அதுக்குள்ள அன்சீனா? சன் பிக்சர்ஸை கழுவி ஊற்றும் நெட்டிசன்ஸ்!
இதனால் கடுப்பான நடிகர் வில் ஸ்மித், மேடைக்கு வந்து தொகுப்பாளர் கிறிஸ் ராக்கின் முகத்தில் பளார் என அறை விட்டார். யாருமே எதிர்பாராத இந்த சம்பவத்தால் விழா மேடையே அதிர்ச்சியில் அதிர்ந்து போனது. பின்னர் தனது இருக்கைக்கு திரும்பிய ஸ்மித், என் மனைவியின் பெயரை உன் வாயிலிருந்து நீக்கிவிடு என கெட்டவார்த்தையுடன் உரத்த குரலில் எச்சரித்தார்.
தனது மனைவியை கேலி செய்ததற்காக நடிகர் வில் ஸ்மித், கிறிஸ் ராக்கை மேடையில் அறைந்த சம்பவம் அங்கு பெரும் பரபரப்பை ஏற்படுத்தியது. ஆஸ்கர் வரலாற்றில் இதுபோன்ற வன்முறை சம்பவம் நடைபெறுவது இதுவே முதல் முறையாகும். கிறிஸ் ராக்கை தாக்கியதற்காக வில் ஸ்மித் மீது நடவடிக்கை எடுக்கப்படாது என ஆஸ்கர் அகாடமி அறிக்கை வெளியிட்டுள்ளது. ஆனாலும் முதல் முறையாக விருதை பெற்ற கையோடு அறைவிட்டதற்காக மன்னிப்பு கேட்டுள்ளார் வில் ஸ்மித்.
சைலெண்டாக சாதித்த விஜய் சேதுபதி – மக்கள் செல்வனுக்கு குவியும் பாராட்டுக்கள்!
அடுத்த செய்திஆஸ்கர் நிகழ்ச்சி தொகுப்பாளருக்கு பளார் விட்ட நடிகர்: அதிர்ச்சி வீடியோ