‘
பீஸ்ட்
‘ படம் குறித்து வெளியாகும் அப்டேட்கள் அனைத்தும் ரசிகர்கள் மத்தியில் மிகப்பெரிய எதிர்பார்ப்பினை கிளப்பி வருகிறது. ‘மாஸ்டர்’ படத்தின் வெற்றியை தொடர்ந்து தற்போது இந்தப்படத்தில் நடித்து முடித்துள்ளார்
விஜய்
. ஏப்ரலில் ‘பீஸ்ட்’ படம் வெளியாகவுள்ளதால் ப்ரோமோஷன் பணிகளில் மும்முரமாக ஈடுபட்டு வருகின்றனர் படக்குழுவினர்.
கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார்
நெல்சன் திலீப்குமார்
.
சன் பிக்சர்ஸ்
தயாரிக்கும் ‘பீஸ்ட்’ படத்தில் விஜய்க்கு ஜோடியாக பூஜா ஹெக்டே நடித்துள்ளார். இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
இந்நிலையில் கடந்த மாதம் 14ஆம் தேதி காதலர் தினத்தன்று வெளியான ‘பீஸ்ட்’ படத்தில் பர்ஸ்ட் சிங்கிளான “ஹலமித்தி ஹபிபோ” பாடல் பட்டி தொட்டியெங்கும் ஒலித்து வருகிறது. தளபதி விஜய்யின் துள்ளலான நடனமும் அனிருத்தின் அசத்தலான இசையும் இணைந்து வெளியாகியுள்ள இந்தப் பாடல் இதுவரை யூட்யூப்பில் பல கோடி பார்வையாளர்களை கடந்து சாதனை படைத்து வருகிறது.
‘தலைவர் 169’ டைட்டில் இதுதான்: வெளியான மாஸ் தகவலால் குஷியான ரசிகர்கள்..!
அதனை தொடர்ந்து அனிருத் இசையில் விஜய் பாடியுள்ள இரண்டாவது சிங்கிள் பாடலும் ரசிகர்கள் மத்தியில் அமோக வரவேற்பை பெற்று வருகிறது. ‘பீஸ்ட்’ படத்தின் இசை வெளியீட்டு விழா பிரம்மாண்டமாக நடைபெறும் என்று ரசிகர்கள் மிகப்பெரிய அளவில் எதிர்பார்த்தனர். ஆனால் கொரோனா பரவல் காரணமாக ஆடியோ லான்ச் நடைபெற வாய்ப்பில்லை என்ற தகவல் வெளியாகியது.
இந்நிலையில் ‘பீஸ்ட்’ படத்தின் புரோமோஷன் நேரடியான சன் டிவியில் ஒளிப்பரப்பாக உள்ளதாக தகவல்கள் வெளியாகியுள்ளன. படக்குழுவினர் கலந்து கொள்ளும் இந்நிகழ்ச்சியில் தளபதி விஜய்யும் கலந்து கொள்வார் என்றும் கூறப்படுகிறது. இந்த நிகழ்ச்சி ஏப்ரல் 10 ஆம் தேதி ஒளிப்பரப்பாக உள்ளதாக தகவல்கள் வெளியாகியுள்ளன. ‘பீஸ்ட்’ படம் ஏப்ரல் 14 ஆம் தேதி வெளியாகவுள்ளது குறிப்பிடத்தக்கது.
BEAST VS KGF2 : யார் படம் ஓடும்?
அடுத்த செய்திDhanush:தொடர்ந்து ‘அதையே’ செய்யும் தனுஷ்: மாறவே இல்ல