மன்னார் வளைகுடா பகுதியில் நிலவும் வளிமண்டல கீழடுக்கு சுழற்சி மற்றும் வெப்பச்சலனம் காரணமாக தமிழகத்தில் அடுத்த ஐந்து நாட்களுக்கு மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.
அடுத்த 24 மணி நேரத்திற்கு தமிழகம், புதுச்சேரி, காரைக்காலில் இடி, மின்னலுடன் கூடிய மிதமான மழையும், நாளைய தினம் மேற்கு தொடர்ச்சி மலை மாவட்டங்கள் மற்றும் அதனை ஒட்டிய டெல்டா பகுதிகள், நெல்லை, கன்னியாகுமரியில் மிதமான மழையும் பெய்யக்கூடும் என தெரிவிக்கப்பட்டுள்ளது.
இன்றும், நாளையும் தமிழகத்தில் பகல்நேர வெப்பநிலை இயல்பைவிட 2 முதல் மூன்று டிகிரி செல்சியஸ் வரை அதிகமாக இருக்கும் எனவும் கூறப்பட்டுள்ளது.
சென்னையில் இரு நாட்களுக்கு மழைக்கு வாய்ப்பில்லை எனவும், வானம் ஓரளவு மேகமூட்டத்துடன் மட்டுமே காணப்படும் எனவும் கூறப்பட்டுள்ளது.