திருவள்ளூர் மாவட்டம் பூனிமாங்காடு கிராமத்தில் உள்ள அங்கன்வாடி மையத்தின் மேற்கூரை திடீரென பெயர்ந்து விழுந்த விபத்தில், அங்கு தூங்கிக் கொண்டிருந்த 5 வயது சிறுவன் காயமடைந்தார்.
சுமார் 20 ஆண்டுகள் பழமையான இந்த அங்கன் வாடி மையத்தின் கட்டிடம் சிதிலமடைந்திருந்த நிலையில் இருந்துள்ளது. இங்கு 30க்கும் மேற்பட்ட குழந்தைகள் பயின்று வரும் நிலையில், பிற்பகலில் குழந்தைகள் அனைவரும் உணவருந்துவதற்காக வெளியே அழைத்துச் செல்லப்பட்டுள்ளனர்.
மூர்த்தி – ராஜேஷ்வரி தம்பதியின் 5 வயதான மகன் விமல்ராஜ் மட்டும் உள்ளே தூங்கிக் கொண்டிருந்த போது, மேற்கூரையின் ஒரு பகுதி பெயர்ந்து விழுந்துள்ளது.
இதில் தலையில் காயமடைந்த சிறுவன், திருத்தணி அரசு மருத்துமனையில் சிகிச்சை பெற்று வருகிறார். இச்சம்பவம் குறித்து போலீசார் விசாரணை மேற்கொண்டு வருகின்றனர்.