கோவையில் மோட்டார் சைக்கிளும் காரும் மோதிய விபத்தில் கல்லூரி மாணவனுக்கு படுகாயம் ஏற்பட்ட நிலையில், அவர் ஓட்டி வந்த வாகனம் மட்டும் தனியே ஓடி, தரையில் விழுந்த காட்சிகள் சிசிடிவி கேமராவில் பதிவாகி உள்ளன.
குறிச்சி பகுதியின் ஒருவழிப்பாதையில் போக்குவரத்து விதிகளை மீறி கல்லூரி மாணவர் ஒருவர் ஓட்டி வந்த இருசக்கர வாகனம், எதிரே வந்த கார் மீது மோதியது. இதில் அவர் நிலைதடுமாறி சாலையில் விழுந்த நிலையில், வாகனம் நிற்காமல் சிறிது தூரம் தனியே ஓடி யார் மீதும் மோதாமல் சாலையோரம் விழுந்தது.
விபத்துக்குள்ளான கல்லூரி மாணவனுக்கு காலில் பலத்த காயம் ஏற்பட்ட நிலையில், அவர் மருத்துவமனையில் சிகிச்சைக்காக அனுமதிக்கப்பட்டார்.