செங்கல்பட்டில் குற்றத்தடுப்பு நடவடிக்கையாக பல்வேறு வழக்குகளில் தொடர்புடைய 50க்கும் மேற்பட்டோரை காவல்துறையினர் கைது செய்து விசாரணை மேற்கொண்டனர்.
அம்மாவட்ட காவல் கண்காணிப்பாளராக அண்மையில் பதவியேற்ற சுகுணா சிங், செங்கல்பட்டு நகர மற்றும் தாலுகா காவல்துறை அதிகாரிகள் மற்றும் காவலர்களுடன் அவசர ஆலோசனை மேற்கொண்டார்.
இதனை அடுத்து, அவர் உத்தரவிட்டதன் அடிப்படையில் வீடுபுகுந்து ரவுடிகள் உள்ளிட்டோர் கைது செய்யப்பட்டனர். கொலை, கொள்ளை, வழிப்பறி உள்ளிட்ட பல்வேறு குற்றச்சம்பவங்களில் ஈடுபட்டோரை கைது செய்த போலீசார், சந்தேகத்திற்கு இடமான முறையில் செல்வோரிடமும் விசாரணை நடத்தினர்.