இலங்கையை இருள் சூழ்ந்துள்ளது. பொருளாதார நெருக்கடியால் மக்களின் இயல்பு வாழ்க்கை முடங்கிப் போயுள்ளது. விலைவாசி விண்ணைத் தொட்டுள்ளது. பண வீக்கம் அதிகரித்துக் கொண்டே போகிறது. பல்வேறு நாடுகளிலும் கடன் வாங்கி நிலைமையை சமாளிக்க முயன்று வருகிறது
இலங்கை
.
இந்த நிலையில் இலங்கை அதிபர்
கோத்தபயா ராஜபக்சே
, அவரது அண்ணனும் பிரதமருமான மகிந்தா ராஜபக்சே ஆகியோர் உடனடியாக பதவி விலக வேண்டும் என்ற கோரிக்கையுடன் மக்கள் தெருக்களில் திரண்டு போராடி வருகின்றனர். ஆனால் இப்போதைக்கு பதவி விலக முடியாது என்று மகிந்தா கூறி விட்டார். தம்பியும் நிதியமைச்சருமான பசில் ராஜபக்சேவை, கோத்தபயா டிஸ்மிஸ் செய்து விட்டார். மகிந்தாவின் மகனும், அமைச்சருமான நமல் ராஜபக்சேவும் ராஜினாமா செய்து விட்டார்.
இலங்கைக்கு நேரமே சரியில்லை.. பதவியேற்ற 24 மணி நேரத்தில் நிதி அமைச்சர் ராஜினாமா!
ஆனால் கோத்தபயாவும், மகிந்தாவும் மட்டும் இன்னும் ராஜினாமா செய்யாமல் உள்ளனர். இந்த நிலையில் தான் பதவி விலகும் பேச்சுக்கே இடமில்லை என்று கோத்தபயா கூறியுள்ளார். தனது கட்சியின் முக்கியத் தலைவர்களுடன் கோத்தபயா ராஜபக்சே ஆலோசனை நடத்தினார். அப்போது அவர்களிடம் கோத்தபயா பேசுகையில், நான் அதிபர் பதவியிலிருந்து விலக மாட்டேன். அந்த எண்ணமே இல்லை. நாடாளுமன்றத்தில் யாராவது பெரும்பான்மைக்குத் தேவையான 113 எம்.பிக்கள் ஆதரவு வைத்திருந்தால் சொல்லுங்கள், நான் விலகுகிறேன். அதைத் தவிர நானாக விலக மாட்டேன் என்று அவர் கூறியுள்ளார்.
மகிந்தா அமைச்சரவையில் இருந்த 26 கேபினட் அமைச்சர்களும் ஞாயிற்றுக்கிழமை கூண்டோடு விலகி விட்டனர் என்பது நினைவிருக்கலாம். மறுபக்கம் மகிந்தா ராஜபக்சே அரசு பெரும்பான்மை பலத்தை இழந்து விட்டது. ஆளும் கூட்டணியிலிருந்து இலங்கை சுதந்திரா கட்சி வெளியேறி விட்டது. வேறு சில எம்பிக்களும் ஆதரவை வாபஸ் பெறத் தயாராகி வருகின்றனர். இதனால் அரசுக்கு பெரும்பான்மை பலம் பறி போயுள்ளது.
இன்று இலங்கை நாடாளுமன்றம் கூடுகிறது. அப்போது யாருக்கு 113 பேரின் ஆதரவு இருக்கிறது என்பதை சபாநாயகர் சோதிக்கவுள்ளார். நாடாளுமன்றத்தில் தனது பெரும்பான்மையை மகிந்தா ராஜபக்சே நிரூபிக்கத் தவறினால், புதிய பிரதமருக்கு அவர் வழிவிடுவார் என்று எதிர்பார்க்கப்படுகிறது.
அடுத்த செய்திஇலங்கைக்கு நேரமே சரியில்லை.. பதவியேற்ற 24 மணி நேரத்தில் நிதி அமைச்சர் ராஜினாமா!