மும்பை,
ஐபிஎல் தொடரில் நடப்பு சாம்பியனான சென்னை அணி இந்த சீசனில் மிக மோசமாக விளையாடி வருகிறது. சிஎஸ்கே அணி தாங்கள் விளையாடிய முதல் 3 போட்டிகளிலும் தோல்வி அடைந்து புள்ளி பட்டியலில் மிகவும் பின்னடைவை சந்தித்து உள்ளது.
சென்னை அணியின் தொடர் தோல்வி குறித்து ஹர்பஜன் சிங் கருத்து தெரிவித்துள்ளார்.
இதுகுறித்து பேசிய அவர், ” சிஎஸ்கேவின் புதிய கேப்டனாக ஜடேஜாவிற்கு பொறுப்பு கிடைத்துவிட்டது. ஆனால் ஜடேஜா பீல்டிங் ரிங்கிற்கு வெளியில் நின்றுக்கொண்டிருக்கிறார். அங்கிருந்து ஒரு கேப்டனால் எந்தவொரு விஷயத்தையும் கையாள முடியாது.
இதனால் அவர் தோனிக்கு தான் தலைவலி கொடுக்கிறார். பீல்டிங் ரிங்கிற்கு உள்ளே நிற்கும் தோனி பீல்ட் செட்டிங் மற்றும் பவுலிங் என அனைத்து பணிகளையும் செய்கிறார். ஒரு அணியின் சிறந்த ஆட்டத்தை பார்க்க வேண்டும் என்றால், ஜடேஜா பேசியாக வேண்டும்” என ஹர்பஜன் சிங் கூறினார்.